web counter
LEXO PA REKLAMA!

SHKARKO APP

App Store
Google Play

Berisha e konfirmon: Fania përdor Salianjin për të ndërhyrë te Rama

3 Maj 2026, 13:22, Aktualitet CNA

Kryetari i Partisë Demokratike, Sali Berisha në një bashkëbisedim me demokratët në Dibër ka konfirmuar se pronari i televizionit që po përdor Ervin Salianjin, është Irfan Hysenbelliu.

Këtij të fundit, Berisha i referohet si “Fania” dhe thotë se po e përdor për të rregulluar marrëdhëniet me kryeministrin Edi Rama.

Berisha tha se televizioni i “Fanes” bën 16 lajme në 4 orë për Salianjin, që sipas tij nuk bëhen as për presidentin amerikan Donald Trump.

“Unë nuk nisem nga paragjykimi por nga besimi. Pasi doli nga burgu i thashë do të përfshijmë në Kryesi të partisë se nuk kishte asnjë lloj funksioni. Më tha nuk do bësh zgjedhje në parti se në diktaturë nuk bëhen zgjedhje. Vinte rregullisht në mbledhjet e Kryesisë dhe nuk shtronte asgjë të veçantë. Ndërkohë nga informacione të verifikuara, ky në burg drekonte e darkonte me Pëllumb Gjokën dhe Oltion Bistrin.

Gjatë verës ky shkonte në Qerret te Ergys Agasi.  Ia dhanë Fanes për kompetencë mirëpo Fania që e mbajti Lulin deri ditën e fundit deri sa përfundoi me 2 mijë vota e donte këtë sepse donte t’i lëpihej Ramës, por meqenëse si pranonte gjuhën e tij, mendoi se do ta pranonte me gjuhën e Salianjit.

16 lajme në katër orë publikonte Fania për Salianjin. Nuk gjen 16 lajme në 4 orë për Donald Trump, që është njeriu më kryesor në botë. Fania që dikur shtronte në lajm dhe për kollitjet e Lulit, tani merr lajme nga zyra e Ramës për Salianjin. A mundet që demokratët të pranojnë në gji një njeri si ky? Kam qenë këtu për Luzim Bashën dhe ishin dosjet penale me të cilat Edi Rama e kapi për fyti atë. Ai nuk e denonconte Edi Ramën, donte të bënte koalicion me të. Ky erdhi me një mision që dështoi. Këto janë skllevër jo njerëz të lirë”, tha Berisha. /CNA





Lajmet e fundit nga