web counter
LEXO PA REKLAMA!

SHKARKO APP

App Store
Google Play

"Tirana, në kufijtë e vitit 2000"/ Braçe në "Allishverishi": Nuk po ndërtohet as për strehim, as për banim

1 Maj 2026, 22:13, Aktualitet CNA

"Tirana, në kufijtë e vitit 2000"/ Braçe në

Deputeti socialist Erion Braçe, i ftuar në episodin e sotëm të podkastit “Allishverishi” tha se Tirana ka një problem të madh, që nuk po qeveriset prej shumë kohësh.

Ai u shpreh se kryeqyteti është në kufijtë e vitit 2000, ndërsa shtoi se fshatrat e Tiranës, po largohen gjithnjë e më shumë nga bujqësia e po shkojnë drejt ndërtimit.

"Tirana është e paqeverisur dhe e paqeverisshme prej shumë kohësh. Tirana është totalisht në kufijtë e vitit 2000 kur erdhi Edi Rama dhe u mundua të vendoste ligj në këtë qytet. Fshati i Tiranës po degradon duke i shkuar sektorit të ndërtimit dhe duke i ikur bujqësisë me hapa të tmerrshëm. Ky qytet është pa bujqësi, pa blegtori dhe pa furnizime të drejtpërdrejta nga fshati. Tirana as po vetëqeveriset, as po qeveriset”, tha deputeti.

Ndërsa disa javë më parë është vetëofruar si kandidat për bashkinë e Tiranës, Braçe tha se nuk synon asnjë post kryeministri apo kryetar, ashtu siç sipas tij kanë bërë ata që kanë mbajtur këtë detyrë.

“Unë nuk dua vendin e Edi Ramës. Nuk po konkuroj për kryeministër apo kryetar partie. Unë dua punën e kryepunëtorit të Tiranës”, tha Braçe.

I pyetur nga gazetari Bledi Mane se çfarë do të ndodhë me çmimet e banesave nëse bëhet kryetar bashkie, ai shprehu kritika për mënyrën se si po ndërtohet në kryeqytet.

“Në Tiranë po ndërtohet keq. Në Tiranë nuk po ndërtohet për strehim as për banim. Jam dakord më Edi Ramën që po kthehet në një muze të arkitekturës. Por ama, nuk po ndërtohet që ne të ndjehemi mirë”, u shpreh ai. /CNA





Lajmet e fundit nga