web counter
LEXO PA REKLAMA!

SHKARKO APP

App Store
Google Play

Video-skandal/ Alkool, telefona e "mall", Lul Berisha me "bandën" festë në burgun e Durrësit

1 Maj 2026, 21:15, Aktualitet CNA

Video-skandal/ Alkool, telefona e "mall", Lul Berisha me

Një video-skandal nga burgu i Durrësit, ku ndodhen të burgosur për vepra të rënda penale, është publikuar mbrëmjen e sotme.

Gazetari Flamur Vezaj ka publikuar në kanalin ”Ma Shqip” pamje nga brenda qelive të burgut, ku ndodhen disa prej emrave më të njohur të botës së krimit, si Lul Berisha, Fehmi Mziu, Islam Kasa, Astrit Avdylaj, dhe persona të afërt me Kel Arapin.

Pamjet e këtyre personazheve duke festuar në qeli me alkool, lëndë narkotike dhe muzikë, tregojnë shumë qartë dështimin e sigurisë dhe disiplinës në burgje.

Aty ku supozohet siguria të ishte në nivele dhe më të larta, për shkak të këtyre ekponentëve kriminalë, janë këta të fundit që siç duket bëjnë ligjin, dhe kanë kthyer burgun në “pronësi të tyre”.

Siç e theksuam dhe më sipër, këta emra janë të dënuar për vepra të rënda penale. Astrit Avdyli, kreu i grupit kriminal të Shijakut, akuzohet për vrasje, prostitucion, trafik droge dhe disa vepra të tjera penale. Lul Berisha, ish-kreu i bandës së Durrësit, është i akuzuar për disa vrasje të ndodhura vite më parë. Fehmi Mziu akuzohet për prostitucion dhe organizatë kriminale.

Gazetari Artan Hoxha në podcasting “Ma Shqip” e cilësoi videon si një tregues të qartë të mënyrës si funksionon sistemi në burgje, duke theksuar se kush ka para, siguron kushte dhe privilegje edhe brenda qelisë. Sipas tij, gjithçka ka një çmim: telefonat futen me pagesë, alkooli sigurohet me lekë, ndërsa ‘malli’ hyn përmes rrugëve të paligjshme dhe shpesh me çmime më të larta se jashtë. /CNA





Lajmet e fundit nga