web counter
LEXO PA REKLAMA!

SHKARKO APP

App Store
Google Play

E fundit!

x

Begaj në OKB: Shqipëria, në rrugë zhvillimi dhe transformimi

19 Shtator 2023, 07:33, Aktualitet CNA
Begaj në OKB: Shqipëria, në rrugë zhvillimi dhe transformimi
Presidenti Bajram Begaj

Presidenti Bajram Begaj ka mbajtur fjalën e tij në Samitin për Objektivat e Zhvillimit të Qëndrueshëm, ku është shprehur se zhvillimi i qëndrueshëm është garancia më e fortë për një botë të karakterizuar nga paqja e stabiliteti.

 “Dëshiroj të theksoj se Shqipëria është në një rrugë zhvillimi të përshpejtuar, duke përqafuar një qasje gjithëpërfshirëse dhe transformuese që përfshin zhvillimin ekonomik, social dhe mjedisor. Zbatimi i agjendës së OZHQ-ve nuk është vetëm një prioritet; është një përpjekje kombëtare kolektive ku janë angazhuar të gjitha institucionet shtetërore, përfshirë shoqërinë civile,”, ka deklaruar Presidenti Begaj.

Kreu i shtetit është ndalur edhe te hapat e ndërmarrë nga vendi ynë në kontekstin e zbatimit të OZHQ-ve, ku veçoi miratimin nga Kuvendi i Shqipërisë të rezolutës që përvijon angazhimet për të promovuar, financuar dhe monitoruar realizimin e OZHQ-ve, si pjesë e rrugëtimit drejt integrimit në BE, krijimin e Fondit të Përshpejtimit të OZHQ-ve, të financuar kryesisht nga qeveria, por edhe nga nga aktorë e partnerë joqeveritarë.

Presidenti Begaj tha se duhen intensifikuar përpjekjet për t’i dhënë një shtysë implementimit të Agjendës 2030. 

“Objektivat e Zhvillimit të Qëndrueshëm vazhdojnë të shërbejnë si udhërrëfyesi ynë universal, i pandashëm dhe i integruar, duke udhëhequr vizionin dhe aspiratat tona për vitet në vijim,” tha në mbyllje të fjalës së tij Presidenti Begaj./ CNA





Lajmet e fundit nga