web counter
LEXO PA REKLAMA!

SHKARKO APP

App Store
Google Play

E fundit!

x

Pagesat për inceneratorin inekzistent të Tiranës, një sinjal alarmi

18 Shtator 2023, 21:42, Aktualitet CNA
Pagesat për inceneratorin inekzistent të Tiranës, një sinjal
Inceneratori i Tiranës

Ndonëse inceneratori në Tiranë nuk ekziston dhe nuk bëhet incenerim mbetjesh, bashkitë vijojnë të japin pagesa çdo muaj.

Edhe pas sekuestrimit nga SPAK, këto pagesa nuk kanë ndalur. Për analistin Sami Neza, kjo gjë është një sinjal alarmi që tregon se në këtë çështje ka diçka që nuk shkon.

Neza deklaroi në një intervistë me Sonila Meçon se të pastrosh duke vjedhur kaq shumë është anormale, ndërsa për pagesat drejtoi gishtin nga kryebashkiaku i Tiranës, Erion Veliaj.

“Që kur u bllokua Inceneratori i Tiranës nga ana e SPAK, ai drejtohet nga administratorët e vendosur nga ana e qeverisë. Atje kemi përfaqësues të administratës publike dhe pyetja ime për ta është publike: A ka incenerim i mbetjeve në Inceneratorin e Tiranës? A ka incenerator atje? Natyrish që këto janë pyetje retorike, pasi ne e dimë që atje nuk ka incenerim dhe nuk incinerator, por përgjigjia e tyre do ishte shumë e vlefshme edhe për SPAK-un.

Së pari, ai çmim i vendosur përmbi përpunimin e mbetjeve, përfshirë edhe incenerimin. Është një çmim fabul, i cili nuk funksionon për shkak se nuk ka incenerator, që do të thotë se në njëfarë mënyre shteti e shikon se po vidhet me dokumenta, me vendime edhe me vendime të Këshillit Bashkiak të Tiranës para disa ditësh, dhe ndërkohë nuk lëshojnë sinjalin e alarmit se këtu ka diçka që nuk shkon.

Argumenti i Veliaj është se është parashikuar se e gjithë kontrata është vendosur mbi incenerimin pavarësisht se inceneratori kërkon një kohë për tu ndërtuar. Kjo nuk ka logjikë, sikur edhe dy robotë të vendosnin një kontratë të tillë është e tepruar, të pastrosh duke vjedhur kaq shumë është anormale aq më tepër që janë njerëzit llogjikë.

Mediat e kanë vërtetuar se atje nuk ka incenerim ka vetëm kapsulim biles nuk ka as ndarje të mbetjeve ndërkohë zoti Veliaj vendosi ta diskutonte në Këshillin Bashkiak të Tiranës shumë prej 6 milionë eurove ndërkohë që ka kaluar me një firmë pa këshillin bashkiak, pa këshillin e qarkut, kontratën dhe vendimmarrjen e tij për 30 vite financim të përpunimit të mbetjeve përmes incenerimit”, theksoi analisti./ CNA





Lajmet e fundit nga