E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Apeli i Lucës për qytetarët/ Mos i besoni helmit të politikës dhe gazetarëve…

26 Shkurt 2024, 16:30, Aktualitet CNA

Apeli i Lucës për qytetarët/ Mos i besoni helmit të

Sipërmarrësi Gjergj Luca ka bërë një thirrje për qytetarët pas vizitës së tij në Arabinë Saudite, ku mori dritën jeshile për të hapur fabrikë peshkimi në një nga portet më të mëdha.

Luca tha se është impresionuar nga drejtuesit e Omanit, ndaj theksoi se qytetarët duhet të kenë gjithmonë besim te lideri.

Ai theksoi se njerëzit nuk duhet t’i besojnë përrallave apo helmit të politikës dhe të gazetarëve e analistëve, por duhet t’i besojnë dikujt që e do vërtetë vendin.

Projekti i madh i Gjergj Lucës/ Hap fabrikën gjigante në Arabinë Saudite
26 Shkurt, 15:56

“Gjermania bëri një bum historik se ishte Merkel, ajo zonjë që krijoi marrëdhënie shpirtërore me popullin e saj. Por jo vetëm me popullin e saj, por me gjithë Europën dhe botën.

Unë e ndjeva këtë gjë në Arabinë Saudite tek ai princ kurore, unë mendoj që ambicia e atij njeiru nuk është vetëm përmbysja dhe hapja nga një vend i mbyllur, nga një vend që i ka pasur rrënjët te pjesa e traditës, por mbi atë traditë, duke e ruajtur atë me fanatizëm, do që vendin e vet ta hapë dhe do që vendin e tij ta ballafaqojë dhe ta bëjë lider botëror jo vetëm përballë Erupopës dhe botës.

Nëpërmjet asaj që kam parë dhe bërë atje dua t’u bëj një thirrje të gjithë imprevitorëve. Dua t’u bëj një thirrje të gjithë njerëzve që punojnë dhe nxjerrin bukën e gojës me krahët e veta. Ju lutem besojini liderit. Besojini liderit se lideri në një komb mund të vijë 1 herë në 100 vjet, në 200 vjet.

Lëreni përallat dhe helmin e partive që vendosin batalionet e neveritshme të gazetarëve, analistëve, të njerëzve që bëjnë çorap shpirtin dhe mendjen njerëzore.

Por besojini atij njeriu që vërtetë e do këtë vend. Ne na vlerësojnë ata që vijnë nga jashtë, qoftë shqiptarët që janë në emigracion, qoftë të huaj dhe unë u bëj thirrje të gjithëve shkoni dhe vizitoni Arabinë Saudite dhe aty do të kuptoni se ku është forca e liderit. Ky është impresioni im që nëpërmjet jush po e ndaj me opinionin publik dhe miqtë e mi”, nënvizoi biznesmeni./ CNA