web counter
LEXO PA REKLAMA!

SHKARKO APP

App Store
Google Play

Aksioni në Theth/ Boçi: Rikthim i terrorit vetëm për arsye armike dhe hakmarrjeje

5 Tetor 2025, 14:58, Aktualitet CNA

Aksioni në Theth/ Boçi: Rikthim i terrorit vetëm për arsye

Deputeti i PD-së, Luçiano Boçi ka reaguar lidhur me nisjen e fazës së dytë të aksionit të shëmbjes së objekteve pa leje në Theth.

Boçi e ka cilësuar nisjen e aksionit si rikthim i terrorit në fshatin turistik.

Demokrati shkruan se e gjithë kjo po bëhet për arsye armike dhe hakmarrjeje ndaj veriut që sipas tij, e përçmon kryeministrin Edi Rama.

Postimi i plotë:

RIKTHIMI I TERRORIT NË THETH DHE ZONJA PLAKË (RAMA)

Rikthimi i terrorit të Ramës në Theth, nuk është “për arsye turistike”, por për arsye armike.

As ligjore por vetëm pasurore.

As arsye dashurie për natyrën, por arsye e pastër urrejtje për njerëzit.

Terrori e ka vlerën kur transmetohet live. Kjo ështe strategji e zakonshme e grupeve terroriste dhe shteteve terroriste.

Rama nuk u mjaftua me atë që la pas në Korrik, ku mbolli kaos, faliment ekonomik, inerte dhe përcau njerëzit me selektime prishjesh e favoresh.

Rri, rri dhe i rikthehet Thethit me një frekuencë të rritur hakmarrjeje ndaj Veriut që e përçmon.

Ndryshe nuk shpjegohet se si na i paska shpëtuar “syrit vigjilent”

të Benetit një ndërtesë 3-katëshe në Theth e ndërtuar me mund e djersë në tokën e vet.

Këtë vetëm satelitët e Ramës e shpjegojnë.

Në Theth po ndodh ajo që ndodh kur pushteti humbet masën morale të veprimit të vet. Përdor ligjin si justifikim për arbitraritetin, dhe e quan frikën “zbatim të rendit”.

Rama mos harrojë diçka që çdo kush e merr si mësim kur shkon ne Theth:

Thethi është më shumë se një fshat malor.

Është simboli i shpirtit shqiptar që jeton midis bukurisë dhe përjashtimit.

Kur fadroma ngrihet mbi gurët e Thethit, ajo nuk shemb thjesht ndërtime, por shpirtin e një vendi që Rama s’e ndihmoi kurrë me zemër dhe që tani e dënon pse është i zoti për mbijetesë.

Rama është si ajo “Zonja Plakë” e dramës së famshme të Durrenmat-it ky personazhi kryesor rikthehet për hakmarrjen e paramenduar.

Por mos të harrojë:

Shpagimi ka për të ardhur!/CNA





Lajmet e fundit nga