web counter
LEXO PA REKLAMA!

SHKARKO APP

App Store
Google Play

E fundit!

x

Aksidenti tragjik në Durrës/ Babai i 8-vjeçarit bën rrëfimin rrëqethës: Djali kërkon shokët

5 Maj 2026, 22:36, Aktualitet CNA

Aksidenti tragjik në Durrës/ Babai i 8-vjeçarit bën

Babai i 8-vjeçarit të plagosur nga aksidenti në Durrës, Ardian Meslani ka zbuluar gjendjen shëndetësore të dajlit të tij që ndodhet në spitalin e Traumës.

Në një lidhje direkte për emisionin Opinion, Meslani ka zbuluar se djali i tij është jashtë rrezikut për jetën por do të duhet të kryejë një ndërhyrje kirurgjikale.

Meslani shprehet mjaft i tronditur nga ngjarja dhe me zërin që i dridhet rrëfen se djali i tij i kërkon dhe e pyet për shokët, pasi nuk e di ende se kanë ndërruar jetë.

Po ashtu Meslani thotë se kujton momentin që makina i ka marrë përpara.

Intervista

-Ju uroj shërim sa më të shpejtë të djalit dhe shpresoj që gjithçka të shkojë sa më mirë. Ngushëllime për rastin tjetër! Në çfarë gjendje është?

Meslani: Djali tani është jashtë rrezikut për jetën, jemi në mes të një ndërhyrjeje.

-Do bëhet në Shqipëri?

Meslani: Do bëhet këtu te Trauma.

-Çdo gjë është në rregull në spital, vëmendja, kujdesi?

Meslani: Vëmendja është në rregull, po unë kam edhe dy fëmijë të tjerë te shtëpia, kanë nevojë për psikolog.

-Nuk ju kanë çuar psikologë fare për të qetësuar familjen?

Meslani: Jo fare absolutisht!

-Si është gjendja në familje?

Meslani: Super e rënduar?

-A të tha djali në çfarë rrethanash ka ndodhur ngjarja?

Meslani: Vetëm dicka më ka thënë, kërkon shokët e vet dhe thotë erdhi makina me shpejtësi, na mori përpara!

-Ju nuk i keni thënë gjë?

Meslani: Jo, jo! Edhe këtu kemi një psikologe private.

Për shoferin e dehur që përplasi fëmijët, Meslani tha se e njihte dhe se e ka denoncuar disa herë për shpejtësinë e tejkaluar.

“Të marrin telefonin ta shohin. Jo vetëm unë, por gjithë lagjia. Vinte një patrullë kalonte, e shihte të parkuar dhe ikte”, rrëfeu ai.

“Jemi shumë të tronditur”, përfundoi ai me lot në sy./ CNA





Lajmet e fundit nga