web counter
LEXO PA REKLAMA!

SHKARKO APP

App Store
Google Play

Aksidenti me betonieren/ Eksperti i sigurisë rrugore analizon dinamikën e ngjarjes

22 Korrik 2026, 20:44, Aktualitet CNA

Aksidenti me betonieren/ Eksperti i sigurisë rrugore analizon

Eksperti i sigurisë rrugore, Gëzim Hoxha, komentoi dinamikën e aksidentit të rëndë që ndodhi sot në zonën e TEG-ut, ku një betoniere ra nga lartësia dhe përfundoi poshtë urës, dukë shënuar dy viktima dhe të plagosur.

Në një dalje televizive, Hoxha u shpreh se gabimi nga ana teknike mund të ketë qenë të manovra e bërë keq për një sekondë, gjë që ka sjellë edhe rënien e mjetit.

Në këndvështrimin e ekspertit, veç humbjes së vënmendjes, drejtuesit e mjeteve duhet të ulin shpejtësinë në zonat e rrethrrotullimeve sepse presupozohet që është kryqëzim rrugësh.

"Këtu ka një gjë që vetë mekanizmi i ngjarjes shpjegohet që këtu kemi përplasjen e dy automjeteve. Pra, në momentin e përplasjes së dy automjeteve, drejtuesi i mjetit e humb ekuilibrin.

Pra ndoshta ka dashur të devijojë drejtuesi i betonieres, ka dashur të devijojë aksidentin, mirëpo duhet të kemi parasysh që shpejtësia me të cilën lëvizet, po e marrim shpejtësinë 40 km/h, në 40 km, ai bën 11.11 metra në 1 sekondë.

Pra, 1 sekondë nëse ai nuk e menaxhon automjetin drejt ose mirë, atëherë ai bie nga ura. Pra kaq është e gjithë historia. Pra, një manovër e bërë keq për 1 sekondë, bie, ka rënë nga ura.

Ky është edhe shkaku që mendoj që në manovrën e sipër për të devijuar aksidentin, për të shmangur aksidentin, ka pasur një humbje vëmendjeje, nuk e di për çfarë shkaqesh, edhe kaq është. Në rrethrrotullim duhet të ulet shpejtësia sepse rrethrrotullimi presupozon që është kryqëzim rrugësh",-tha Hoxha./CNA





Lajmet e fundit nga