web counter
LEXO PA REKLAMA!

SHKARKO APP

App Store
Google Play

Petro Koçi i kërkon llogari administratës në Kadastrën e Fierit/ Disa zyrtarucë sillen si bejlerë

9 Maj 2022, 16:40, Politikë CNA

Deputeti socialist Petro Koçi, ka vënë në pah problematikat e administratës në Kadastrën e Fierit.

Koçi tha nga foltorja e Parlamentit disa zyrtarë të Kadastrës së Fierit sillen si bejlerë dhe nuk duan t?ia dinë për hallet e qytetarëve.

Deputeti i PS-së deklaroi se e ka fajin administrata që kur dikush bëhet pjesë e saj mendon se është biznes personal dhe jo detyrim nga ligji.

?Në Fier është ndryshuar drejtori i Kadastrës dhe uroj të ndryshojë menaxhimi i kësaj kadastre që është bërë gangrenë në Fier. Ata që janë bërë bejlerë në ato zyra duhen zhdukur dhe duhen ndëshkuar. Mjafton të ndjekësh hallin e vetëm një qytetari për të kuptuar se ku qëndron e keqja. Disa zyrtarucë nuk duan t?ia dinë por sillen si bejlerë. E ka fajin administrata që janë njerëz që mendojnë se kur bëhen pjesë e administrates, mendojnë se është biznes personal dhe jo detyrim nga ligji. Uroj të kemi një situatë të re me kadastrën në Fier?, u shpreh ai.

Gjithashtu Koçi ka cekur edhe problemet me nëpunësit në drejtorinë e bujqësisë dhe me ndarjen e tokave në Tropojë.

“Megjithëse qeveria ushtron një politikë subvencionesh për bujqësinë, ndodh që për arsye teknike, nëpunës të caktuar nuk e bëjnë detyrën si duhet dhe persona të caktuar nuk përfitojnë ndihmën e domosdoshme financiare. Një nëpunës te drejtoria e bujqësisë nuk bën detyrën si duhet. Kjo është e pafalshme. Ai nëpunës duhet të gjente zgjidhje patjetër. Ne kemi shumë punë për të bërë me administratën. Ka edhe një problem për ndarjen e tokave në njësinë administrative Topojë. Një pjesë e posedon tokën fizikisht por nuk e posedon juridikisht. Ndërsa pala tjetër e posedon me letra dhe jo fizikisht. Ka 30 vite që kanë mbetur pa zgjidhje. I kam kërkuar prefektit të Fierit që të gjendet zgjidhja për ato familje që nuk posedojnë tokë fizikisht?, theksoi deputeti ndër të tjera./ CNA.al





Lajmet e fundit nga