web counter
LEXO PA REKLAMA!

SHKARKO APP

App Store
Google Play

E fundit!

x

Shënim/ Alibeaj gënjen demokratët dhe tallet me shqiptarët

9 Maj 2022, 15:54, Politikë CNA

Enkelejd Alibeaj ka dalë pasditen e sotme në një deklaratë për mediat ku ka gënjyer publikisht për çështjen e zgjedhjes së Presidentit të ri të vendit.

Në fjalën e tij para mediave, Alibeaj tha se Partia Socialiste nuk i ka votat për të zgjedhur Presidentin e ri, prandaj po përfshihen në këtë proces.

“Kjo maxhorancë nuk ka legjitimitetin për të vendosur për presidentin. Ka tre deputete non grata, ata të Dom Doshit, ka dy deputetë pas hekurave, ka raportin e DASH që godet legjitimitetin e zgjedhjeve dhe kjo situatë duhet të bëjë të reflektojë këdo?, tha ai.

Në fakt është një tallje dhe një gënjeshtër.

Sipas Kushtetuës vetëm tre raundet e para duhet mazhorancë kushtetuese, pra 84 vota.

Në raundin e katërt dhe të pestë Presidenti mund të zgjidhet me 71 vota. Partia Socialiste dhe aleatët e saj kanë  bashkë 78 vota.

Përfshirja, apo mënyra që po përdor Alibeaj dhe grupi i Lulit të përfshirë në procesin e zgjedhjes së Presidentit, është thjesht një pazar.

Socialistë me 71 vota e zgjidhin Presidentin. Kështu e zgjodhi PD Bujar Nishanin kur Alibeaj ishte në qeveri me Berishën e Bashën.

Ata kanë 78 vota me gjithë aleatët, pa folur këtu për votat e Lulzim Bashës, por të dy po bëjnë gjoja sikur socialistët nuk kanë vota dhe duan të përfshihen në proces thjesht dhe vetëm sipas urdhërit të dhënë nga Edi Rama.

Ajo që tregojnë është thjesht dhe vetëm bashkëpunimi që kanë me kryeministrin dhe me qeverinë./CNA.al





Lajmet e fundit nga