web counter
LEXO PA REKLAMA!

SHKARKO APP

App Store
Google Play

E fundit!

x

Vetëvrasja e Ilvi Metës në komisariat/ Këlliçi: Horror institucional

6 Maj 2022, 16:10, Politikë CNA

Deputeti i PD-së Belind Këlliçi ka reaguar për raportin e  Komitetit Shqiptar të Helsinkit në lidhje me vetëvarjen e të riut Ilvi Meta, në komisariatin e Kavajës.

Këlliçi e cilëson ngjarjen e Kavajës si një horror institucional dhe thekson se deklaratat e shefit të komisariatit dhe të një prej punonjësve të policisë nuk përputhen.

Ai thotë se situata e kësaj ngjarjeje është e pashembullt, ndërsa pretendon se shteti ka degraduar fund e krye.

“Ngjarja e Kavajës, një horror institucional

Komiteti Shqiptar i Helsinkit ka kryer një vëzhgim të hollësishëm në çështjen e vëtëvrasjes së shtetasit Ilvi Meta.

Shefi i komisariatit është shprehur se i ndjeri kishte përdorur një lidhëse të kapuçit varur tek shufra metalike, ndërsa një prej punonjësve që kishte qenë i pranishëm në kontrollin fizik të të ndjerit, deklaroi se nuk i është gjetur asnjë lidhëse dhe bluza që i ndjeri mbante veshur nuk kishte kapuç.

Dy qëndrime krejt të kundërta.

Dhoma e sigurisë ku ishte vendosur Ilvi Meta nuk përmbushte kriteret e parashikuara për ?Trajtimin dhe sigurimin e personave të arrestuar/ndaluar në ambientet e Policisë së Shtetit, evidentimin dhe zgjidhjen e kërkesë/ankesave të tyre?.

Shufra metalike horizontale e zgavrës së qelisë nuk duhet të ishte më e lartë se 60 cm. Në fakt ajo ishte vendosur në një lartësi rreth 2 metra, gjë që krijonte mundësinë e vetëvarjes.

Në librin e dorëzimit të shërbimit, përgjegjësi i turnit ka lënë shënim për turnin e radhës se Ilvi Meta paraqiste rrezikun e vetëvrasjes.

Ngjarja jo vetëm që nuk u parandalua por i ndjeri u vendos në një dhomë që i mundësonte kushtet e vetëvrasjes.

Ky është rasti i dytë i vdekjes brenda komisariateve. Një tjetër i ri shqiptar humbi jetën si pasojë e djegies brenda qelisë në Komisariatin e Kamzës. Kjo situatë është e pashembullt. Shteti ka degraduar fund e krye”, shkruan deputeti në rrjetet sociale./ CNA.al





Lajmet e fundit nga