web counter
LEXO PA REKLAMA!

SHKARKO APP

App Store
Google Play

Tirana dhe Partizani derbi në merkato, duan yllin e Laçit

29 Prill 2022, 11:06, Sport CNA

Merkatoja e verës kërkon edhe pak javë që të hapet, por klubet që kërkojnë të përforcohen e kanë nisur punën për këtë proces prej kohësh. Pa dyshim qëllimi është që goditjet të kenë edhe efekt të dyfishtë, ku me një lojtar përforcon veten, si dhe dobëson kundërshtarin. Në kuadrin e kësaj praktike nën rrogoz ka nisur merkatoja e klubeve shqiptare, ku si fillim kërkojnë t?i rrëmbejnë njëritjetrit elementët e spikatur.

Në kuadrin e zërave të parë të merkatos, ?Panorama Sport? shkruan se një nga lojtarët më të spikatur të Laçit në sezonet e fundit, Juljan Shehu është në ?menynë? e dy klubeve të kryeqytetit, Tiranës dhe Partizanit. Sigurisht, klubet që presin të përfaqësohen në Kupat e Europës lëvizin të parat, pasi direkt pas përfundimit të sezonit këto ekipe nisin fazën përgatitore për pjesëmarrjen në turin e parë në Europë.

23-vjeçari është në përfundim kontrate me kurbinasit, pasi nga Laçi dhe vetë lojtari nuk ka pasur më herët njoftim për rinovim apo zgjatje të marrëveshjes. Mbase, nisur nga kjo situatë ka nisur rivaliteti mes dy klubeve të kryeqytetit për mesfushorin qendror të kurbinasve.

Shehu, së bashku me Ardit Deliun dhe Regi Lushkjen formuan treshen më solide të mesfushës në sezonet e fundit në Superiore, ndaj mbetet për t?u parë se kush do ta fitojë derbin për 23-vjeçarin, i cili mund të marrë edhe ndonjë surprizë nga klubi ku bën pjesë apo ndonjë ofertë interesante edhe nga jashtë vendit. Gazeta ka mësuar se si Tirana dhe Partizani kanë nisur t?i lëvizin gurët për të bërë të tyrin mesfushorin e skuadrës kurbinase.





Lajmet e fundit nga