web counter
LEXO PA REKLAMA!

SHKARKO APP

App Store
Google Play

Bashkia e Korçës redukton buxhetin për klubin e Skënderbeut

28 Prill 2022, 11:36, Sport CNA

Bashkia e Korçës ka qenë një zë shumë i rëndësishëm për mbështetjen e Skënderbeut, veçanërisht në vitet e fundit, kur dhe klubi mori goditjen nga UEFA e më pas nisën problemet financiare. Thuajse çdo vit, bashkia jepte mbi 400 milionë lekë të vjetër vetëm për klubin e futbollit, por tashmë gjërat kanë ndryshuar.

Më 31 mars është bërë një ndryshim në buxhetin që Këshilli Bashkiak i Korçës kishte parashikuar për t?ia kaluar klubit gjatë këtij viti. Fillimisht në dhjetor 2021 bashkia miratoi për klubin shumësportësh Skënderbeu një buxhet prej 460 milionë lekësh të vjetër për vitin 2022.

Në këtë fond përfshiheshin të gjitha sportet, por pjesën e ?luanit? e merrte sigurisht klubi i futbollit. Tashmë, pas ndryshimit të miratuar në mbledhjen e fundit të Këshillit Bashkiak më 31 mars, mësohet se është vendosur që të ketë një reduktim në fondin për klubin e futbollit, shkruan “Panorama Sport”.

Pra, e thënë më specifikisht, bashkia do të japë në formë trajtimi ushqimor dhe shpenzime për udhëtimet, një shumë që shkon rreth 130 milionë lekë të vjetër enkas për klubin. Nga burime në bashki mësohet se drejtuesve të Skënderbeut u është bërë e qartë se kalimi i fondit çdo muaj do të bëhet për vetëm 25 persona, të cilët janë futbollistë, pjesëtarë të stafit teknik dhe zyrtarë klubi.

Është parashikuar që fondi në formë dietash për person shkon 500 mijë lekë të vjetër në muaj. Pasi bashkia bën kalimin në klub, më pas janë drejtuesit e Skënderbeut që do të vendosin për listën me 25 persona që përfitojnë këtë shumë në formë dietash dhe që kalon në llogaritë bankare të secilit.





Lajmet e fundit nga