web counter
LEXO PA REKLAMA!

SHKARKO APP

App Store
Google Play

E fundit!

x

Skënderbeu në Kategorinë e Parë, priten largime masive nga skuadra korçare

28 Prill 2022, 06:14, Sport CNA

Edhe pse jo e konfirmuar zyrtarisht, Skënderbeu do luajë në Kategorinë e Parë sezonin tjetër dhe skuadra pritet të pësojë ndryshime të mëdha. Largimet pritet të jenë në masë. Duket se të parët që kanë vendosur të largohen në fund të sezonit do të jenë dy të huazuarit e Skënderbeut nga Shkëndija e Tetovës. Si portieri Bekim Rexhepi, ashtu edhe mbrojtësi Leard Sadriu, do të jenë të parët që e mbyllin bashkëpunimin me korçarët. Me shumë mundësi të dy lojtarët do të rikthehen te Shkëndija ose mund të huazohen në një tjetër skuadër.

Për të qëndruar te mbrojtja, edhe Dajan Shehi e Vangjel Zguro do të largohen me shumë mundësi. Kapiteni pritet të fluturojë drejt Amerikës në qershor, ndërsa edhe Shehit i përfundon kontrata. Edhe mesi i fushës duket se do të ketë largime, po ashtu si sulmi. Mara dhe Mensah pritet që të largohen.

Për të dy lojtarët që kanë kontratë me Skënderbeun, drejtuesit duket se do të kërkojnë të arkëtojnë diçka për të shtuar financat. Nga ana tjetër, Moraesh dhe Berisha, që janë në fund kontrate, pritet të mbyllin me parametër zero aventurën në Korçë. Këto janë planet në dalje, ndërsa për ato në hyrje është herët për të folur, pasi edhe strategjia për merkato e klubit do të ndryshojë, duke qenë se militon një kategori më poshtë.





Lajmet e fundit nga