Volejboll femra/ Skënderbeu i pandalshëm, mposht Tiranën në finalen e parë

28 Prill 2022, 19:30, Sport CNA

Volejbolli i femrave nisi sot serinë e finaleve të kampionatit kombëtar, me ndeshjen e parë ndërmjet Skënderbeut dhe Tiranës, të cilat janë dy ekipet më të mira të këtij edicioni. Ky duel i zhvilluar në pallatin e sportit ?Tamara Nikolla? në Korçë, përfundoi me rezultatin 3-0 në favor të vajzave bardhekuqe.

Korçaret e mbyllën kampionatin në vend të parë, ndërsa më pas në ?play off? eliminuan Partizanin. Ndërsa Tirana u klasifikua në vend të dytë në sezonin e rregullt, për të kaluar më pas në ?play off? Barletin.

Kryeqytetaset dhe korçaret janë përballur këtë sezon edhe dy herë të tjera në finale. Fillimisht në Ligën Mbarëkombëtare ?Gjergj Kastrioti?, event që pa të triumfonte skuadrën juglindore. Por vetëm disa ditë më vonë, Tirana u hakmor duke i mposhtur korçaret në Kupën e Shqipërisë.

Të dyja ekipet kanë objektiva të qartë dhe kërkojnë trofeun. Në aktin e parë që u mbajt sot në orën 19:00 në pallatin e sportit ?Tamara Nikolla? në Korçë, pati një atmosferë elektizuese.

Skënderbeu ka pasur një mbështetje të zjarrtë nga publiku korçar në ndeshjet e këtij sezoni, me mijëra tifozë që kanë mbushur shkallët e pallatit të sportit. Në Korçë mungon titulli kampion që prej vitit të largët 1986. Ndërsa suksesi i fundit i Tiranës daton në sezonin 2012-2013.