E fundit!

07:15 Sociale

Rriten temperaturat/ Moti për ditën e sotme

Ditën e sotme vendi ynë do të mbetet nën ndikimin e masave...

Situata te Skënderbeu/ Takaj i vendosur për të ardhmen, çfarë do të ndodhë me klubin korçar

28 Prill 2022, 18:37, Sport CNA

Në muajt e fundit kanë qarkulluar shumë thashetheme për një shkëputje të presidentit aktual të Skënderbeut, Ardjan Takaj, nga financimi i klubit në vazhdimësi. Megjithatë, ka qenë vetë kreu i bardhekuqve që ka mohuar këtë variant. Madje, jo pak zëra ka pasur edhe për të marrë aksione edhe në një klub shqiptar në Maqedoninë e Veriut, por Takaj ka hedhur poshtë gjithçka.

Rënia nga elita është natyrisht një dramë e madhe për Skënderbeun, por që duke pasur parasysh kushtet dhe mundësinë, në kampin korçar janë të ndërgjegjshëm se kjo herët a vonë do të ndodhte. Gjithsesi, po mendojnë që tani për ringritjen. Kategoria e Parë në sezonin e ardhshëm pritet të jetë shumë e fortë.

Skënderbeu vijon përgatitjet për ndeshjen e radhës, që do të luajë të shtunën ndaj Vllaznisë në transfertë. Trajneri Skënder Gega nuk do të ketë në dispozicion vetëm Elvi Berishën, që u ndëshkua me karton të kuq ndaj Egnatias, pa përmendur këtu Jorgo Meksin i cili ka disa muaj që mungon.

Shpresat e korçarëve për të mbijetuar janë venitur tashmë, por gjithsesi Gega ka premtuar se ekipi i tij do të luftojë deri në fund, pikërisht atëherë kur edhe matematika të ketë vulosur gjërat.