E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Laçi fiton gjyqin në CAS dhe merr shumën e majme

29 Prill 2022, 06:22, Sport CNA

Laçi ka fituar një tjetër betejë ligjore, ku kësaj radhe triumfi ka të bëjë me çështjen e hapur në KAS-in e Lozanës ndaj Menemensporit, pasi nuk janë dëmshpërblyer nga klubi turk për transferimet e portierit Gentian Selmani në verën e vitit 2019 dhe mbrojtësit David Domgjoni në janar të 2020-ës. Laçi bëri ankesë në Gjykatën e Arbitrazhit Sportiv, ku në seancën gjyqësore u përfshinë klubi kurbinas, Menemenspori dhe FIFA.

?Panorama Sport? shkruan se gjyqi i planifikuar për këtë çështje është zhvilluar më 13 prill, ku në fund të procesit gjyqtarët u kanë dhënë të drejtë pretendimeve të kurbinasve. Burime pranë klubit laçianë kanë konfirmuar për gazetën se ata e kanë fituar gjyqin me Menemensporin. Kështu që klubi turk është i detyruar që të paguajë shumën prej 150 mijë eurosh në arkat e Laçit.

Nëse Menemenspori refuzon që ta kryejë dëmshpërblimin brenda afatit, i bie që turqve do t?u bllokohet merkatoja për sesionet në vazhdim. Klubi bardhezi ka pretenduar 150 mijë euro në total nga këto dy transferime, në një kohë që në ndryshim nga marrëveshja që ka bërë me turqit, deri më tani nuk ka përfituar asgjë. Portieri Selmani ishte i pari që u shit te klubi i Ligës së Parë turke, e më pas edhe kosovari Domgjoni.

Të dy tashmë nuk janë më pjesë e Menemensporit, por aktivizohen respektivisht te Boluspori dhe Termalica. Laçi ka pritur për shumë kohë që turqit të respektojnë akordin për dy lojtarët, por duke qenë se diçka e tillë nuk ka ndodhur, dhe për këtë arsye çështjen e çuan në KAS-in e Lozanës.

Gjatë kohës që kurbinasit prisnin ekzekutimin e marrëveshjes, Menemenspori nxori pretendime të tjera për transferimet e lojtarëve. Gjithsesi, kurbinasit nuk lëshuan dhe ishin të bindur se kishin të drejtë, gjë e cila sipas drejtuesve të Laçit është ligjëruar edhe vendimi i fundit i KAS-it në gjyqin e zhvilluar më 13 prill.