web counter
LEXO PA REKLAMA!

SHKARKO APP

App Store
Google Play

‘Hipokrit dhe manipulues’/ Mjeku ‘masakron’ Ramën pas letrës së pacientit holandez

27 Prill 2022, 18:54, Aktualitet CNA

Mbreti (borati) lakuriq

Mjeku epidemiolog Erion Dasho, ka dalë me një reagim të ashpër në rrjetet sociale, ku i drejtohet kryeministrit Edi Rama, pas letrës së pacientit holandez lidhur me gjendjen e sistemit shëndetësor në vendin tonë.

Gëzojuni shëndetësisë 3D të Boratit, pasi ajo realja është kjo që po ju tregon ky qytetar i sinqertë europian, shkruan Dasho.

?Borati, së bashku me kimistët, klarinetistët dhe balerinat me të cilët menaxhon prej 9 vitesh sistemin shëndetësor, nuk lë rast pa përmendur “mrekullinë” që sipas tij po ndodh në sistemin shëndetësor shqiptar.

Mjaftojnë disa faqe letër e një pacienti holandez që t’i heqë Boratit maskën e hipokritit dhe manipuluesit. Ky pacient ka vuajtur (për fatin e vet të mirë) një traumë jo edhe aq të rëndë, por ato që ai tregon për sistemin shëndetësor të Boratit janë shumë të rënda:

Mungesë organizimi

Pajisje të vjetëruara

Mungesë protokollesh

Mungesa personeli

Mungesë materialesh konsumi

Paaftësi e personelit

Mungesë dixhitalizimi

Mbi të gjitha, gabime skandaloze mjeksore që i kanë rrezikuar jetën ndërkohë që trauma relativisht e lehtë nuk ja rrezikonte aspak atë!!!

Deri në pikën ku një krah ishte vendosur kot së koti në një fasho gipsi të skaduar, pasi nuk kishte aspak thyerje, ndërkohë që trauma në kokë (që mund t’i kishte kushtuar jetën) ishte neglizhuar!!!

Të dashur votues të Boratit!

Jo 50%, ju lutem shumë! 99.99% votojeni herën tjetër Boratin, ashtu si votonit babanë e vet shpirtëror dikur!

Gëzojuni shëndetësisë 3D të Boratit, pasi ajo realja është kjo që po ju tregon ky qytetar i sinqerë europian!

Por për ju nuk ka problem! Ju nuk keni nevojë as për ujë, as për drita, as edhe për mjekë! Për ju ka rëndësi që Borati të jetë në pushtet!

Dhe mos harroni t’i puthni dorën kur kalon nga lagja juaj…?/CNA.al

 





Lajmet e fundit nga