web counter
LEXO PA REKLAMA!

SHKARKO APP

App Store
Google Play

Digjitalizimi i shërbimeve të transportit rrugor/ 1,825% më shumë shërbime online krahasuar me vitin 2018

27 Prill 2022, 10:40, Aktualitet CNA

Marrin fund sorollatjet në zyrat dhe sportelet e institucioneve të shërbimeve të trasportit rrugor. Tashmë shërbimet do të mund të merren online nëpërmjet platformës e-albania dhe faqes zyrtare të DPSHTRR.

Lajmin e ka bërë të ditur Drejtori i DPSHTRR, Blendi Gonxhja, i cili tha se në 4 vitet e fundit, shërbimet online janë rritur 19-fish ose 1,825% më shumë krahasuar me vitin 2018.

Sipas tij, nga 4 shërbime online që kryheshin në vitin 2018, në 2022-shin kryhen 77 shërbime online në platformën e-albania dhe në faqen zyrtare të DPSHTRR.

?Janë dhënë 1,523,195 shërbime për qytetarët dhe subjektet/bizneset, duke 13-fishuar në vitin 2021 gamën e shërbime aktive krahasuar me vitin 2018! Falë gjenerimit elektronik të dokumenteve pa ardhur më në sportele, vetëm gjatë vitit 2021, për 344,599 dokumenta me vulë digjitale, u janë kursyer qytetarëve dhe subjekteve/bizneseve 17,229,950 km rrugë, 1,206,097 lt karburant dhe 28,717 ditë pune.

Revolucioni digjital ka në vëmendje kryesore interesin publik. Duke përmbledhur të gjitha risitë, informatizimin, thjeshtimin e lehtësimin e praktikave, eliminimin apo uljen e shumë tarifave, vetëm për vitin 2021 DPSHTRR i ka kthyer xhepit të qytetarit/subjekteve rreth 2 miliardë lekë të reja ose 16.2 milionë Euro. Një rezultat spektakolar në vetvete, por që nëse analizojmë efektet shoqëruese, uljen e korrupsionit, modernizimin e entit, investimet në informatizim (3,236% më shumë për vitin 2021 se në vitin 2018), gjenerimin e vendeve të punës në treg, impakti e përfitimi është akoma më i lartë!?, u shpreh Gonxhja./CNA.al





Lajmet e fundit nga