web counter
LEXO PA REKLAMA!

SHKARKO APP

App Store
Google Play

Ish-ministri depoziton kërkesën në Apelin e GJKKO/ Saimir Tahiri kërkon pezullim të dënimit

27 Prill 2022, 07:05, Aktualitet CNA

Ish-ministri i Brendshëm Saimir Tahiri ka depozituar një kërkesë në Gjykatën e Posaçme të Apelit për Korrupsionin dhe Krimin e Organizuar.

Sipas komunikatës, Tahiri ka kërkuar të pezullohet dënimi me burg.

Një javë më parë, Tahiri bëri edhe një kërkesë në Gjykatën e Tiranës, ku kërkonte lirimin me pretendimin se ?i rrezikohet jeta në burgun e Fierit?.

Ish-ministri thotë se po vuan dënimin në një burg të sigurisë së zakonshme ku ndodhen dhe të dënuar të grupit të Lazaratit dhe Xibrakës të arrestuar gjatë kohës kur Tahiri ushtronte detyrën e ministrit dhe rrezikon të bëhet objekt i personazheve të krimit.

Ndërkohë, kujtojmë se Gjykata e Posaçme e Apelit Kundër Korrupsionit dhe Krimit të Organizuar, në rigjykimin e çështjes, në shkurt të këtij viti vendosi që Tahiri ta vuajë dënimin me burg.

Tahiri kërkon që ky vendim të pezullohet dhe të lihet në fuqi vendimi i Gjykatës së Shkallës së Parë për Krimet e Rënda, që në shtator 2019, caktoi ?shërbim prove? për ish-ministrin./ CNA.al





Lajmet e fundit nga