web counter
LEXO PA REKLAMA!

SHKARKO APP

App Store
Google Play

Përfundimi i mbledhjes së grupit parlamentar/ Alibeaj përsërit refrenin: Vendimi i 25 marsit i paligjshëm

12 Prill 2022, 18:37, Aktualitet CNA

Deputeti Enkelejd Alibeaj, ka folur pas mbledhjes me grupin parlamentar të PD, ku ka përsëritur se vendimi i Gjykatës për njohjen e Kuvendit të 11 dhjetorit, është i paligjshëm.

Alibeaj tha se vendimi i dhënë nga gjykata ishte në shkelje dhe në konflikt interesi nga gjyqatri i çështjes.

“Nesër secili deputet të bëjë propozimin e vet. Kishte një propozim nga Gështenja, i cili ishte konstatim i njëanshmërisë së procesit që po bëhet deri tani, rifillimi i një procesi të përbashkët me garanci. Procese të nxituara s’do ketë, kjo parti nxitimet i ka bërë dikur. Procese që të japin sinjale të forta.

Kishte modalitete për një kongres pajtimi dhe bashkimi. Kjo ishte zgjidhja finale, që secili të sjellë propozime nesër. Çfarë është bërë deri tani është i padobishëm për PD-në dhe e dyta një proces i përbashkët i certifikuar me garanci zgjedhjesh që fillojnë nga baza dhe shkojnë lart.

Ditën kur u dha vendimi, ishte vendim i paligjshmë, me shkelje ligjore, vendim në konflikt interesi të vetëdeklaruar nga gjyqtari, thash do bëj ankimim. E drejta jo vetëm e një individi por e drejtë kushtetuese.

Ankimi është mjet që nuk bën gjë tjetër veçse e zgjidh çështjen në gjykatë. Kemi hapësirën për të eksploruar mundësitë për të bashkuar demokratët dhe për të qenë dinjitoz në zgjedhjet që do vijnë.?-tha Alibeaj./CNA.al





Lajmet e fundit nga