web counter
LEXO PA REKLAMA!

SHKARKO APP

App Store
Google Play

E fundit!

x

Basha “feston” për shpalljen non-grata të Aqif Rakipit/ “Harron” Ylli Ndroqin

12 Prill 2022, 10:23, Politikë CNA

Ish-kryetari i PD, Lulzim Basha e ka cilësuar si fitore shpalljen non-grata të ish-deputetit Aqif Rakipi, nga Departamenti Amerikan i Thesarit.

Në një postim në rrjetet sociale, Basha shkruan se ?Aqif Rakipi, Tom Doshi, Vangjush Dako janë bedelët me të cilët Edi Rama kreu masakrën zgjedhore dhe tjetërsoi vullnetin e shqiptarëve që kërkonin ndryshim?. Por, Basha duket se ka ?harruar? edhe Ylli Ndroqin, ish-trafikantin e drogës Xhemail Pasmaxhiu, i cili gjithashtu u shpall non-grata një ditë më parë.

Në postimin e tij nuk përmendet Pasmaxhiu në asnjë rresht.

?Koha na dha prapë të drejtë! Aqif Rakipi, Tom Doshi, Vangjush Dako janë bedelët me të cilët Edi Rama kreu masakrën zgjedhore dhe tjetërsoi vullnetin e shqiptarëve që kërkonin ndryshim.

Në argumentimin nga Departamenti i Thesarit të Shteteve të Bashkuara për sanksionet ndaj Aqif Rakipit theksohet:

?Grupe të shumta të krimit të organizuar (GKO) në Shqipëri kanë ofruar para, dhurata ose premtime për vende pune apo lëshime në këmbim të votave për partinë e tyre të preferuar politike?. Ky paragraf tregon se si i ?fitoi? zgjedhjet Edi Rama në 2017 dhe në 2021.

Kriza në të cilën ndodhet sot Shqipëria, është pasojë e shkatërrimit të institucioneve demokratike dhe të procesit zgjedhor, që dje u konfirmua edhe nëpërmjet sanksioneve të Departamentit të Thesarit të Shteteve të Bashkuara të Amerikës. Edhe pse këtë duhet ta kishin bërë organet ligjzbatuese shqiptare, ai është një lajm i mirë që partneri ynë strategjik SHBA është fokusuar në luftën kundër korrupsionit që po minon demokracinë dhe po shkatërron mirëqenien e shqiptarëve.?-shkruan Lulzim Basha./CNA.al





Lajmet e fundit nga