web counter
LEXO PA REKLAMA!

SHKARKO APP

App Store
Google Play

E fundit!

x

“Qeveria një grup mafioz”/ Berisha: Bordi i çmimeve po plaçkit qytetarët

11 Prill 2022, 16:19, Politikë CNA

Ish-kryeministri Sali Berisha nga foltorja e Kuvendit, ka akuzuar Bordin e krijuar nga qeveria me qëllim kontrollin pas rritjes së çmimeve, se është duke zhvatur qytetarët shqiptarë.

Berisha tha se një anketë e re e bërë nga qeveria rezulton se 1.2 milionë shqiptarë mendojnë se po i vjedh qeveria përmes platformës që dikton çmimet.

?Të futet në rendin e ditës një anketë e re e narkoqeverisë e cila bazohet në pyetësorin jo të 500 mijë, por 1.2 mln shqiptarëve, kjo anketë e re dëshmon se qytetarët mendojnë se qeveria është bërë një me grupet mafioze të spekulimit dhe e tërë platforma e shpallur për kontrollin e çmimeve është kryekëput platformë për plaçkitjen, grabitjen e qytetarëve. Shkoni dhe bisedoni me furrat e bukës, pastiçierët, bar-man-ët. Çfarë thonë? Të gjitha thonë se qeveritarët po i ndajnë me bordet e tyre. 

Ju flisni këtu në emër të 500 mijë shqiptarëve, unë flas në emër të 1.2 milionë shqiptarëve. Pse u mërzit ju kjo statistikë? E kuptoni ju që sot çdo shqiptar sheh këtu një grup shushunjash që janë vërsulur mbi xhepat e tyre me çmimet e energjisë, ushqimeve, transporteve, me të gjitha çmimet dhe po iu thithin gjakun.

E nga ana tjetër u daklaroni se po i lumturoni. E kuptoni që po iu jepni vetëm thërrimet e atyre parave që po u vidhni shqiptarëve?”, tha Berisha./ CNA.al

 





Lajmet e fundit nga