web counter
LEXO PA REKLAMA!

SHKARKO APP

App Store
Google Play

E fundit!

x

Ligji për nënshtetësinë/ Fico jep lajmin e mirë për shqiptarët në Itali

12 Prill 2022, 09:03, Politikë CNA

Kryetari i Dhomës Italiane, Roberto Fico ndodhet për një vizitë në Shqipëri, ku ka zhvilluar një takim me kryetaren e Kuvendit, Lindita Nikolla.

Gjatë takimit, Fico ka theksuar se BE duhet të hap tashmë negociatat me Shqipërinë. Duke parë situatën e luftës në Ukrainë, Fico tha se tashmë zgjerimi i BE në Ballkanin Perëndimor është çështje strategjike.

?Sot është një ditë e rëndësishme se në një moment të vështirë për Evropën jemi këtu për të theksuar miqësinë mes popujve dhe për të fuqizuar bashkëpunimin parlamentar. Ka ardhur momenti që BE të hap negociatat me Shqipërinë, sot me luftën në Ukrainë, zgjerimi i BE në Ballkanin Perëndimor është çështje strategjike?, tha ai.

Por, gjithashtu ai ka dhënë edhe një lajm të mirë për shqiptarët që jetojnë në Itali.

Fico tha edhe se në parlamentin italian po diskutohet ligji për të rinjtë për shtetësinë ? ku ata që kanë lindur në Itali dhe kanë kryer një cikël shkollor të mund ta përfitojnë shtetësinë italiane?.

Ndërsa Lindita Nikolla pasi vlerësoi marrëdhëniet e shkëlqyera mes Shqipërisë dhe Italisë, u fokusua në pushtimin rus  dhe linjën e përbashkët që kanë mbajtur dy vendet ndaj Moskës. Sipas Nikollës lufta tregoi se NATO dhe Europa duhet të punojnë së bashku, të koordinuar dhe me efektivitet.

?Pushtimi rus sinjalizon se Europa dhe NATO duhet të punojnë në kohën e duhur dhe me efektivitet. Shqipëria dhe SHBA janë në ballë të përpjekjeve për të shpëtuar Ukrainën dhe dënuar sa më shumë Rusinë në Këshillin e Sigurimit në OKB?, tha Nikolla.





Lajmet e fundit nga