web counter
LEXO PA REKLAMA!

SHKARKO APP

App Store
Google Play

Scholz refuzoi “Ballkanin e hapur”/ Berisha: Përgjigje e merituar për projektet aventureske

12 Prill 2022, 09:30, Politikë CNA

Ish kryeministri Sali Berisha ka përshëndetur qëndrimin e kancelarit gjerman Olaf Scholz në lidhje me projektin ?Open Balkan?.

Sipas Berishës, Scholz u shpreh kundër këtij projekti.

Me anë të një postimi në rrjete sociale, Berisha ka bërë apel që të përshëndeten këto qëndrime si interesi më i mirë i shqiptarëve, paqes, stabilitetit dhe integrimit në rajon dhe si përgjigja më e merituar ndaj projekteve aventureske të serbomadhisë të presidentit ultranacionalistit serb Vuçiç dhe klikave të tij vasale Rama-Zaev në Tiranë dhe Shkup

?Një qëndrim në interes të shqiptarëve, paqes, stabilitetit dhe integrimit të rajonit!

Dje në një konferencë shtypi me Edi Ramën, Kancelari i Gjermanisë Olaf Scholz shprehu:

mbështetjen e vendit të tij për hapjen e negociatave me Shqipërinë dhe integrimin e saj në BE.

Mbështetjen e procesit të Berlinit dhe tregut të përbashkët rajonal në kuadër të këtij procesi.

Refuzimin e prerë të Ballkanit të Hapur, Aleancës trilaterale Beograd- Tiranë -Shkup të Aleksandër Vuçiç si projekt i hegjemonisë serbe në rajon.

Miq, ju ftoj të përshëndetim këto qëndrime si interesi më i mirë i shqiptarëve, paqes, stabilitetit dhe integrimit në rajon dhe përgjigja më e merituar ndaj projekteve aventureske të serbomadhisë të presidentit ultranacionalistit serb Vuçiç dhe klikave të tij vasale Rama-Zaev në Tiranë dhe Shkup?, shkruan Berisha në rrjete sociale./CNA.al





Lajmet e fundit nga