web counter
LEXO PA REKLAMA!

SHKARKO APP

App Store
Google Play

E fundit!

x

Gjermania kërcënon Serbinë/ “Mbështesni sanksionet kundër Rusisë nëse doni të bëheni pjesë e BE-së”

11 Prill 2022, 20:36, Kosova & Bota CNA

Ministrja e Jashtme gjermane, Annalena Baerbock tha sot pas takimit të ministrave të jashtëm të Bashkimit Evropian në Luksemburg se për shkak të luftës në Ukrainë, e cila synon të ndajë Evropën, është e rëndësishme që BE-ja të mbështetet nga vendet në rrugën e anëtarësimit.

Sipas ministres gjermane, ky ishte një mesazh i veçantë për Serbinë, e cila, sipas saj, duhet të mbështesë politikën e jashtme të Brukselit, e me këtë edhe sanksione për Rusinë.

?Unë do të doja t?i them Serbisë nëse doni të bëheni anëtare, për të cilën po përpiqeni, është thelbësore të mbështesni politikën e jashtme dhe sanksionet e BE-së për momentin?, përfundoi Baerbock.

Ajo shtoi se e njëjta gjë vlen edhe për vendet e tjera të Ballkanit Perëndimor, të cilat kanë treguar qartë këto ditë dhe javë se e shohin të ardhmen e tyre në BE dhe shumica e të cilëve kanë mbështetur sanksionet e BE-së.

Kujtojmë se Serbia e dënoi sulmin e Rusisë ndaj Ukrainës, por nuk i mbështeti sanksionet e BE-së. Gjithashtu, ambasadori i Serbisë në OKB votoi kohët e fundit për të pezulluar Rusinë nga Këshilli i OKB-së për të Drejtat e Njeriut./CNA.al





Lajmet e fundit nga