web counter
LEXO PA REKLAMA!

SHKARKO APP

App Store
Google Play

Banka Botërore publikon të dhënat/ Ja ndikimi i luftës në ekonomitë e Ukrainës dhe Rusisë

11 Prill 2022, 14:04, Kosova & Bota CNA

Banka Botërore ka paralajmëruar se ekonomia e Ukrainës do të tkurret përgjysmë këtë vit për shkak të pushtimit rus.

Në një përditësim ekonomik të rajonit, Banka Botërore bëri me dije se ekonomia e Ukrainës pritet të tkurret me rreth 45.1 për qind, ndonëse madhësia e tkurrjes do të varet nga kohëzgjatja dhe intensiteti i luftës.

Anna Bjerde, zëvendëspresidente e Bankës Botërore për rajonin e Evropës dhe Azisë Qendrore, tha se madhësia e krizës humanitare të shkaktuar nga lufta është tronditëse. Pushtimi rus po i jep një goditje masive ekonomisë së Ukrainës dhe ka shkaktuar dëme të mëdha në infrastrukturë. Sipas saj, Ukraina ka nevojë për një mbështetje masive financiare.

Banka Botërore parashikon se ekonomia e Rusisë do të tkurret me 11.2 për qind në vitin 2022 pas sanksioneve të ashpra, shkruan CNN.

Banka paralajmëroi gjithashtu se ekonomitë në zhvillim dhe në zhvillim në Evropë dhe Azinë Qendrore do të goditen rëndë.

?Përveç Rusisë dhe Ukrainës, Bjellorusia, Republika e Kirgistanit, Moldavia dhe Taxhikistani parashikohet të bien në recesion këtë vit?, tha më tej Bjerde.

Rusia dhe Ukraina përbëjnë rreth 40 për qind të importeve të grurit në rajon dhe rreth 75 për qind ose më shumë në Azinë Qendrore dhe Kaukazin e Jugut, sipas Bankës Botërore.

Portet ruse janë duke funksionuar, por kostot e sigurimit janë rritur për shkak të konfliktit dhe penguan largimin e ngarkesave nga Rusia, vuri në dukje Banka Botërore./ CNA.al





Lajmet e fundit nga