web counter
LEXO PA REKLAMA!

SHKARKO APP

App Store
Google Play

E fundit!

x

Lufta në Ukrainë/ 176 fëmijë të vrarë që prej fillimit të pushtimit rus

9 Prill 2022, 06:32, Kosova & Bota CNA

Të paktën 176 fëmijë janë vrarë dhe më 324 janë plagosur në Ukrainë që nga fillimi i luftës, sipas autoriteteve të Ukrainës, shkruan The Guardian. Autoritetet thanë se për shkak të luftimeve të ashpra rreth Mariupolit apo Volnovakha autoritetet lokale nuk kanë arritur të përcaktojnë numrin e saktë të personave të plagosur apo të vrarë.

Ndërkohë që zëvendëskryeministrja e Ukrainës Iryna Vereshchuk tha se ditën e sotme është rënë dakord për 10 korridore humanitare për njerëzit nga rajonet e rrethuara, raporton Reuters.

Kjo përfshin një për banorët që evakuohen me transport privat nga qyteti i Mariupol, tha Vereshchuk. Luftimet në Ukrainë vijojnë sot në ditën e 44-të, qëkur Vladimir Putini urdhëroi pushtimin e paprovokuar të vendit.

Në fjalimin e tij të fundit, presidenti ukrainas Volodymyr Zelensky, akuzoi edhe njëherë Rusinë për krime lufte, pas sulmit me raketa në stacionin e trenit të Kramatorsk. Të paktën 50 civilë humbën jetën si pasojë e këtij sulmi./ CNA.al





Lajmet e fundit nga