web counter
LEXO PA REKLAMA!

SHKARKO APP

App Store
Google Play

E fundit!

x

“Po na mbrojnë edhe ne”/ Sllovakia dërgon sistemin anti-ajror S-300 në Ukrainë

8 Prill 2022, 18:55, Kosova & Bota CNA

Kryeministri i Sllovakisë, Eduard Heger përmes një postimi në llogarinë zyrtare në Tëitter, ka njoftuar se vendi i tij ka dërguar një sistem kundërajror S-300 në Ukrainë.

S-300 është një sistem i mbrojtjes ajrore i zhvilluar në Bashkimin Sovjetik, por ende konsiderohet një armë jashtëzakonisht e fuqishme në mbrojtjen ajrore. Sllovakia zotëronte një bateri të këtij sistemi në variantin S-300PMU me 45 raketa.

 ?Ukrainasit po mbrojnë me guxim shtetin e tyre sovran, por edhe Sllovakinë, dhe se është detyrë edhe e jona të ndihmojmë dhe të mos injorojmë humbjet e jetëve njerëzore për shkak të pushtimit rus?, u shpreh Heger.

Dorëzimi i sistemit S-300 është dorëzimi i parë i një sistemi të mbrojtjes ajrore me rreze të gjatë në Ukrainë që nga fillimi i luftës. Ukraina ka kërkuar vazhdimisht nga Shtetet e Bashkuara dhe vendet evropiane që të ofrojnë këtë lloj ndihme./ CNA.al





Lajmet e fundit nga