web counter
LEXO PA REKLAMA!

SHKARKO APP

App Store
Google Play

“Ukraina nuk është një vend i pushtuar”/ Borrell: Vendim për eksportin e naftës ruse do merret të hënën

8 Prill 2022, 15:58, Kosova & Bota CNA

Presidentja e Komisionit Europian Ursula vons der Leyen dhe Shefi i Politikës së Jashtme dhe Sigurisë Josep Borrell kanë vizituar ditën e sotme Kievin.

Borrell u shpreh se vizita e tyre ishte një sinjal që tregonte se Ukraina ishte në kontroll të territorit të saj.

“Ukraina nuk është një vend i pushtuar, i dominuar. Ka ende një qeveri e cila pranon njerëz nga jashtë dhe ju mund të udhëtoni në Kiev”, tha Borrell, duke shtuar se ai shpresonte se BE do t’i ofronte Kievit edhe 500 milionë euro të tjera në ditët në vijim.

Presidenti ukrainas Volodymir Zelensky e quan luftën dhe sulmin e Rusisë ndaj vendit të tij, një sulm të drejtpërdrejtë edhe ndaj sigurisë së Evropës në tërësi. Ai i ka kërkuar Brukselit të bëjë më shumë për të ndëshkuar Rusinë, duke përfshirë ndalimin e blerjeve të naftës dhe gazit nga vendi, dhe i ka bërë thirrje BE-së që të pranojë Ukrainën si një anëtare me të drejta të plota.

Në lidhje me sanksionet, kryediplomati europian Borrell, tha se sanksionet ndaj naftës ruse ishinproblematike pasi ndërprerja e një masë për të ndërprerë prodhimin e naftës së papërpunuar ruse mund të shkaktojë një rritje të çmimeve që do të kishte shumë kosto për ekonomitë evropiane. Megjithatë ai paralajmëroi se një vendim për eksportet do të merret të hënën në Bruksel./ CNA.al





Lajmet e fundit nga