E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

NATO paralajmëron luftë të gjatë/ Stoltenberg: Po përpiqemi të parandalojmë përshkallëzimin

7 Prill 2022, 14:34, Kosova & Bota CNA

Sekretari i Përgjithshëm i NATO-s, Jens Stoltenberg, ka folur para mediave pas takimit të sotëm të ministrave të jashtëm të NATO-s në Bruksel. Ai paralajmëroi se lufta mund të zgjasë me vite dhe tha se çelësi për një zgjidhje të shpejtë të situatës i takonte presidentit rus Vladimir Putin.

?Mënyra më e lehtë për t’i dhënë fund kësaj lufte është që Presidenti Putin të tërheqë të gjitha trupat e tij dhe t’i japë fund luftës. Ai duhet të ulet dhe të përfshihet në përpjekje serioze diplomatike për të gjetur zgjidhjen.

Por ne duhet të jemi realistë dhe nuk kemi asnjë indikacion se presidenti Putin ka ndryshuar qëllimin e tij të përgjithshëm, dhe ai është të kontrollojë Ukrainën dhe të arrijë fitore të rëndësishme ushtarake në fushën e betejës.

Ajo që ne shohim është rigrupimi dhe ripozicionimi i forcave ruse duke u larguar nga veriu i Ukrainës, por në të njëjtën kohë duke i zhvendosur ato forca në lindje. Ne presim një betejë të madhe në Donbas. Dhe kjo është arsyeja pse aleatët gjithashtu theksuan sot urgjencën për të ofruar më shumë mbështetje për Ukrainën?, tha ai.

Stoltenberg shpjegoi se kjo është edhe arsyeja pse aleatët po i imponojnë sanskione të rënda Presidentit Putin dhe Rusisë.

?Por në të njëjtën kohë, ne jemi të përgatitur për një afat të gjatë. Kjo luftë mund të zgjasë me javë, por edhe me muaj, e ndoshta edhe me vite. Dhe për këtë arsye ne duhet të përgatitemi për shumë më tepër.

Nëse lufta do të zvarritet, atëherë rreziku është para së gjithash për popullin e Ukrainës, i cili do të vuajë më shumë, do të shohim më shumë dëme, më shumë vdekje dhe më shumë shkatërrim. Por sigurisht, për sa kohë që lufta të vazhdojë, do të ketë rrezik për përshkallëzim përtej Ukrainës. Dhe pikërisht kjo është ajo ku NATO është fokusuar, parandalimi i përshkallëzimit?, është shprehur ai./ CNA.al