web counter
LEXO PA REKLAMA!

SHKARKO APP

App Store
Google Play

E fundit!

x

Britania sanksione të reja ndaj Rusisë/ Truss: Sanksionet janë më të ashprat e marra deri tani

6 Prill 2022, 16:11, Kosova & Bota CNA

Mbretëria e Bashkuar po bashkërendon punën me SHBA-në për ngrirjen e aseteve kundër bankave ruse Sberbank dhe Alfa Bank. Britania ka ndaluar të gjitha investimet e reja të jashtme në Rusi dhe është zotuar të përfundojë të gjitha importet e qymyrit dhe naftës ruse deri në fund të vitit, me synimin që masa të tilla të merren edhe ndaj gazit rus shumë shpejt.

Importet e produkteve ruse të hekurit dhe çelikut gjithashtu  do të ndalohen dhe tetë oligarkë të tjerë janë shtuar në listën e sanksioneve.

Sekretarja e Jashtme, Liz Truss, tha se paketa përmbante disa nga sanksionet më të ashpra të ndërmarra deri tani nga Britania.

?Paketa më e fundit e masave do t’i japë fund importeve të MB të energjisë ruse dhe do të sanksionojë akoma më shumë individë dhe biznese, duke shkatërruar makinën luftarake të Putinit. Së bashku me aleatët tanë, ne po i tregojmë elitës ruse se nuk mund të lajnë duart nga mizoritë e kryera me urdhër të Putinit. Ne nuk do të pushojmë derisa Ukraina të fitojë?, deklaroi Truss./ CNA.al





Lajmet e fundit nga