web counter
LEXO PA REKLAMA!

SHKARKO APP

App Store
Google Play

Niveli më i lartë në 20 vite/ INSTAT: Inflacioni për muajin mars arrin 5.7%

8 Prill 2022, 14:01, Ekonomi CNA

Rritja e çmimeve është vënë re nga të gjithë, fakt që nxiti edhe protestat e shumta qytetare që kërkuan ndërhyerjen e qeverisë në normalizimin e tyre.

Një fakt i tillë është pasqyruar edhe në të dhënat e publikuara nga Instat.

Sipas Institutit të Statistikave, gjatë muajit mars ka pasu një rritje të ndjeshme të çmimeve, që ka çuar në rritjen e shpenzimeve dhe kostos së jetesës për qytetarët. Rritja e çmimeve është shënuar në thuajse çdo produkt, duke përjashtuar vetëm sektorin e shërbimeve shëndetësore dhe atyre arsimore.

INSTAT raportoi se inflacioni, apo Indeksi i Çmimeve të Konsumit, që mat ndryshimin e çmimeve të një shporte mallrash të caktuar, në muajin mars arriti në 5.7%. Ky është niveli më i lartë që prej vitit 2002 dhe është shumë më i lartë se objektivi i shënjestruar prej 3% i Bankës së Shqipërisë. Pak ditë më parë, guvernatori Gent Sejko deklaroi se rritja e çmimeve pritet të vijojë për të paktën dy vjet dhe inflacioni këtë vit pritet të prekë nivelin e 6%.

Qeveria e Shqipërisë ia ka faturuar një rritje të tillë, luftës snë Ukrainë dhe është arsyetuar me faktin se e njejta gjë ka ndodhur edhe në tregjet ndërkombëtare.

Rritja vjetore e çmimeve në muajin Mars është regjistruar sidomos në grupin e ushqimeve, kostot e transportit, qira, lëndë djegëse dhe energji./ CNA.al





Lajmet e fundit nga