web counter
LEXO PA REKLAMA!

SHKARKO APP

App Store
Google Play

E fundit!

x

BERZH ul parashikimin për rritjen ekonomike për Shqipërinë/ “Është ndër vendet më të rrezikuara nga çmimet e larta të energjisë elektrike

31 Mars 2022, 15:11, Ekonomi CNA

Banka Evropiane për Rindërtim dhe Zhvillim, ka bërë të ditur sot, se në vitin 2022, ekonomia shqiptare pritet të zgjerohet me 3.3%.

Prashikimi i BERZH pëson një ulje prej 0.4 pikë përqindje në krahasim me projeksionin e muajit nëntor për rritjen ekonomike të vendit.

?Në vitin 2023, produkti i brendshëm bruto (PBB) i Shqipërisë pritet të rritet me 3.5 për qind?, thuhet në raportin në raportin e fundit të Përditësimit Ekonomik Rajonal, i cili trajton efektet e luftës në Ukrainë në ekonominë globale.

Gjithashtu, parashikimi i BERZH për rritjen ekonomike për vitin 2022 për rajonin e Ballkanit Perëndimor u ul me 0.9 pikë përqindjeje në 3.2 për qind.

Sipas BERZH, të gjitha vendet e Ballkanit Perëndimor do të ndikohen negativisht nga çmimet e larta të naftës dhe gazit, ndërsa Maqedonia e Veriut, Shqipëria dhe Kosova janë më të ekspozuara se vendet e tjera ndaj rritjes së çmimeve të energjisë elektrike pasi importojnë një sasi dukshëm më të lartë të energjisë në krahasim me eksportin.

Ekonomia e Shqipërisë vlerësohet të jetë rritur me 8 përqind në vitin 2021, pas tkurrjes me 3.3 për qind në vitin 2020./ CNA.al





Lajmet e fundit nga