web counter
LEXO PA REKLAMA!

SHKARKO APP

App Store
Google Play

Katër rrugë në Gjirokastër marrin emrat e dëshmorëve të policisë

8 Prill 2022, 14:12, Kronika CNA

Bashkia Gjirokastër, ka emërtuar sot 4 rrugë me emrat e katër 4 Dëshmorëve të Policisë së Shtetit. I pranishëm në ceremoni ka qenë edhe Drejtori i Përgjithshëm i Policisë së Shtetit Gledis Nano.

Bëhet fjalë për këto rrugë: Segmenti rrugor në lagjen ?18 shtatori? të qytetit të Gjirokastrës do të mbajë emrin ?Altin Dauti?, rruga kryesore në fshatin Picar, në Njësinë Administrative Picar do të mbajë emrin ?Zaçe Biraçaj?, segmenti që përshkon zonën urbane në Virua do të mbajë emrin ?Sali Shehu?, ndërsa rruga kryesore që përshkon fshatin Asim Zeneli, Njësia Administrative Antigone, do të mbajë emrin ?Nuri Kërçanaj?.

?Sot, 4 rrugë në Gjirokastër do të emërtohen me emrat e Dëshmorëve të Policisë së Shtetit që kanë mbrojtur jetën me jetën e tyre, kështu që edhe një herë u shpreh mirënjohjen time institucioneve të pushtetit vendor dhe dua të siguroj familjarët e të gjithë Dëshmorëve të Policisë se vazhdimisht do të kenë përkrahjen tonë. Ju falënderoj për të gjithë mbështetjen që i keni dhënë Policisë së Shtetit, jo vetëm në këtë nismë, që është sa simbolike dhe domethënëse, por edhe në të gjitha ato projekte që ne dëshirojmë t?i realizojmë bashkërisht në të mirë të sigurisë së qytetarëve të vendit tonë?, është shprehu Nano./ CNA.al





Lajmet e fundit nga