I shënoi 3 gola Romës, sulmuesi shqiptar merr topin në shtëpi

8 Prill 2022, 06:02, Sport CNA

Eljon Toçi, sulmuesi i përfaqësues Shpresa, ka qenë protagonisti absolut i suksesit të djeshëm të të rinjve të Fiorentinës ndaj Romës, duke shënuar 3 gola në fitoren 5-2 që çoi ekipin e tij në finalen e Kupës së Italisë. Një arritje e jashtëzakonshme për lojtarin, i cili ka mbajtur si kujtim topin me shumë krenari për faktin se shkroi historinë për klubin e qytetit të Firences, siç e tregoi për gazetarët pas ndeshjes.

?Gjysmëfinale, tripletë, paraqitje e madhe si e imja, ashtu edhe e skuadrës. Por një tjetër finale, e katërta radhazi, mendoj se nuk e ka bërë askush më parë. Ndaj kjo është histori.

Trajneri vazhdon të na përsëritë që të mos kënaqemi kurrë. Ne vazhdojmë të japim gjithçka, ne vazhdojmë të luftojmë për çdo gjë, për çdo ndeshje dhe në fund do të bëjmë llogarite e shohim si ka shkuar.

Tregolëshi? Në Firence është i pari, jam shumë i lumtur e bëra që ta firmosin të gjithë dhe do ta mbaj në dhomë.

Ku do të shkojë golashënuesi Toçi? Do të shkojë larg e çojë larg skuadrën, se edhe tre golat ishin meritë e një skuadre që lufton e sakrifikohet shumë për mua. Ndonjëherë ia dal, ndonjëherë më pak, por mundohem që të çoj skuadrën sa më larg të jetë e mundur.

Unë kam punuar shumë me trajnerin Akualani, kemi parë video për lëvizjet, janë detaje të rëndësishme për një sulmues. Nuk e prisja që të bëja kaq mirë në këtë vit, por vitin e kaluar e dija se mund t?i jepja më shumë këtij qyteti e skuadrës. Duke punuar shumë e kam treguar.

Tre golat janë për skuadrën, se i di sakrificat që bëjnë e që bëjmë. E meritojmë finalen dhe shumë të tjera se nuk kemi lëshuar një centimetër gjithë vitin. Ky është një tregolësh për skuadrën se përndryshe sot do të isha me duar bosh?, tha sulmuesi shqiptar.