web counter
LEXO PA REKLAMA!

SHKARKO APP

App Store
Google Play

Prishet kompjuteri i spitalit të Korçës, portierit të Skënderbeut nuk i japin përgjigjen e rezonancës

7 Prill 2022, 12:00, Sport CNA

Sikur të mos mjaftonte situata e vështirë që Skënderbeu po kalon në kampionat, klubit korçar nuk i vjen në ndihmë as spitali rajonal i Korçës. ?Estrada? e radhës ka si protagonist portierin bardhekuq, Bekim Rexhepin dhe përgjigjen e rezonancës magnetike të kryer tri ditë më parë në Korçë. Në kohën kur ditën e djeshme duhej të dilte përgjigjja e testeve të kryera pas ndeshjes me Teutën, si për çudi gjithçka është lënë pezull.

Shkaku? Spitalit rajonal ku është zhvilluar rezonanca, i është prishur kompjuteri i leximit të përgjigjeve të rezonancës dhe për pasojë gjithçka ka mbetur pezull raporton “Panorama Sport”. Rexhepi ende nuk e ka marrë një përgjigje të tillë dhe për pasojë ka munguar edhe në seancën e fundit stërvitore të zhvilluar ditën e djeshme.

Kjo i shtyn më shumë afatet e terapisë së lojtarit që tashmë duhet të kishte nisur, por edhe i problemeve reale, nëse bëhet fjalë për një rupturë të ligamentit të brendshëm apo një shqetësim i zakonshëm që mund të rikuperohet lehtë. Kjo situatë e krijuar duket se ka detyruar lojtarin që, për të shmangur vonesat e mëtejshme, të kërkojë takim me stafin mjekësor të kombëtares maqedonase.

Pritet që ditët në vijim Rexhepi të udhëtojë drejt Shkupit për të kryer një kontroll atje me mjekun e kombëtares fqinje, me qëllim që të marrë përgjigjen e saktë të shkallës së dëmtimit dhe afateve që mund të qëndrojë jashtë fushe. Një histori sa komike aq edhe për të ardhur keq, pasi pozicioni në të cilin ndodhen korçarët ka nevojë për të qenë i plotë dhe në dispozicion të trajnerit për të përballuar situatën e krijuar.





Lajmet e fundit nga