web counter
LEXO PA REKLAMA!

SHKARKO APP

App Store
Google Play

Të dielën ndaj Tiranës, Skënderbeu me gjashtë futbollistë të dëmtuar

7 Prill 2022, 06:58, Sport CNA

Ajo që e bën më të vështirë situatën për ndeshjen e radhës për Skënderbeun, janë mungesat me ekipin që po kalon momentin më të keq jo vetëm në renditje, por edhe në aspektin fizik. Gjashtë lojtarë  janë jashtë për sfidën e të dielës me Tiranën që do luhet në orën 16:45.

Përvec portierit Rexhepi që është mungesë e sigurtë, mungojnë dhe pesë të tjerë. Meksi duket se është rikthyer në Greqi për të vijuar rikuperimin dhe rrugëtimi i tij me Skënderbeun mund të quhet i mbyllur. Nga ana tjetër, edhe Mensah nuk shihet pranë ekipit.

Lojtari është duke zhvilluar terapi riaftësuese por ajo që shqetëson është mosprania e tij në ekip. Edhe Vangjeli ka dalë i dëmtuar nga ndeshja me Teutën dhe për pasojë do të mungojë në takimin e kësaj jave.

Së fundi janë edhe dy të pezulluarit për shkak të kartonëve të marrë. Zguro dhe Berisha do të mungojnë në këtë takim duke i çuar kështu në gjashtë mungesat e Skënderbeut për këtë takim./ CNA.al





Lajmet e fundit nga