web counter
LEXO PA REKLAMA!

SHKARKO APP

App Store
Google Play

Juventusi tenton Kristjan Asllani, gati plani për t'ia "rrëmbyer" Interit dhe Milanit

7 Prill 2022, 06:05, Sport CNA

Kristjan Asllani është kthyer në emrin më të lakuar në klubet kryesore italiane, të ciat janë vënë në garë për të siguruar firmën e mesfushorit të talentuar shqiptar i cili po spikat me Empolin. Futbollisti i cili debutoi me përfaqësuesen kuqezi në ndeshjet e marsit, ka përfunduar në bllokun e shënimeve të klubeve si Interi, Milani e së fundmi edhe Juventusi.

Pikërisht ky i fundit duket se ka një avantazh në krahasim me të tjerët sa i përket firmës me djaloshin shqiptar të lindur në Elbasan. ?Asi nën mëngë? i bardhezinjve quhet Luka Zanimakia. Futbollisti 23-vjeçar, në pronësi të Juventusit, është i huazuar te Kremoneze dhe është kthyer në një nga lojtarët më të spikatur të Serisë B.

Empoli kërkon këtë futbollist për ta afruar në radhët e veta dhe Juventusi do të ishte i gatshëm t?ua shiste toskanëve nëse ulin pretendimet e tyre për Asllanin. Mesfushori shqiptar vlerësohet 7-8 milionë euro nga Empoli, por nëse Juventusi kalon Zanimakia te kjo skuadër, atëherë çmimi i Asllanit do të përgjysmohej. Kështu do të bëhej shumë më i thjeshtë kalimin i tij nën urdhrat e Alegrit i cili ka kërkuar ?të rinj dhe të uritur? për ciklin e ri që shpreson të hapë te Juventusi.





Lajmet e fundit nga