web counter
LEXO PA REKLAMA!

SHKARKO APP

App Store
Google Play

Klubet e kryeqytetit nuk kanë stadium

7 Prill 2022, 12:42, Sport CNA

Futbolli shqiptar në këtë sezon ka treguar qartë se është i varur nga gatishmëria e stadiumeve dhe kushtet klimaterike. Vetëm në vendin tonë ndodh që mbarëvajtja e kalendarit të përcaktohet nga parashikimi i motit, fenomen kryesisht i prekshëm edhe së fundmi në Kategorinë e Dytë.

Në vendin tonë po bëhet nami me inaugurime fushash, por më shumë se gjysma e skuadrave të Superiores kanë luajtur jashtë shtëpisë, për mungesë stadiumi. Momentalisht, tri skuadrat e kryeqytetit janë pa stadiume të gatshme për të pritur mysafirët, pasi ?Air Albania? është mbyllur për të qenë gati për finalen e Ligës së Konferencës e organizuar nga UEFA, ndërsa te ?Selman Stërmasi? presin që të mbijë bari.

Problemi me stadiumet bën që pesë ndeshjet të ndahen në tri ditë, gjë e cila do të ndodhë edhe këtë javë. Prerja e shiritit të stadiumit të Kukësit bën që verilindorët këtë fundjavë të luajnë si pritës në Kamzë. Meqë Partizani është pritës i parë në ?Elbasan Arena?, Dinamo nuk ka pranuar që të luajë ndaj Kastriotit në Rrogozhinë, pikërisht në fushën e rivalit direkt. Kështu që, ndeshja e dinamovitëve është shtyrë për të hënën në ?Elbasan Arena?.





Lajmet e fundit nga