web counter
LEXO PA REKLAMA!

SHKARKO APP

App Store
Google Play

E fundit!

x

Rusia zgjeron sanksionet ndaj BE-së/ Në shënjestër zyrtarët të lartë të bllokut

31 Mars 2022, 17:46, Kosova & Bota CNA

Ndërkohë që përplasjet mes Europës dhe Rusisë janë shtuar ditën e sotme me dekretin e Vladimir Putin dhe refuzimin e shteteve europiane për të zbatuar blerjen e gazit rus me rubla, Moska ka marrë sot vendimin për të zgjeruar sanksionet kundër Bashkimit Evropian dhe shteteve të saj anëtare, duke u ndaluar hyrjen në vend më shumë zyrtarëve qeveritarë, ligjvënësve dhe figurave publike dhe mediatike.

?Vendimi është marrë në përgjigje ndaj sanksioneve të njëanshme të Bashkimit Evropian dhe në bazë të reciprocitetit, i cili është thelbësor për të drejtën ndërkombëtare. Kufizimet vlejnë për lidershipin e lartë të BE-së, një numër komisionerësh europianë dhe drejtues të organeve ushtarake të BE-së, si dhe për shumicën dërrmuese të anëtarëve të Parlamentit Europian që kanë avancuar politika anti-ruse. Zyrtarët e nivelit të lartë, përfshirë anëtarët e qeverisë dhe parlamentit të disa shteteve të BE-së dhe figura publike dhe mediatike janë vendosur gjithashtu në listën e zezë reciproke ruse?, tha Ministria e Jashtme ruse në një deklaratë.

Kjo ministri ka akuzuar individët e sanskionuar se ishin personalisht përgjegjës për promovimin e sanksioneve të paligjshme anti-ruse, ndezjen e ndjenjave rusofobike dhe cënimin e të drejtave dhe lirive të rusishtfolësve.

?Politika e sanksioneve të BE-së kundër Rusisë i kapërcen të gjitha kufijtë. Veprimet e bllokut i kanë çuar lidhjet me Moskën drejtë bllokimit dhe po rrezikojnë mirëqenien dhe sigurinë e qytetarëve të saj, si dhe stabilitetin e sistemit financiar dhe ekonomik global. Çdo veprim i mëtejshëm jomiqësor nga BE-ja dhe shtetet e saj anëtare do të përballet në mënyrë të pashmangshme me një përgjigje të fortë?, thuhet në deklaratën e ministrisë ruse./ CNA.al





Lajmet e fundit nga