web counter
LEXO PA REKLAMA!

SHKARKO APP

E fundit!

x

Përfundon telefonata Biden-Zelensky/ SHBA premton 500 milionë dollarë ndihmë

30 Mars 2022, 16:59, Kosova & Bota CNA

Presidenti amerikan Joe Biden ka zhvilluar sot një telefonatë me homologun e tij ukrainas, Volodymir Zelensky. Në një deklaratë pas përfundimit të telefonatës, Shtëpia e Bardhë ka njoftuar se Biden i ka premtuar Ukrainës 500 milionë dollarë “ndihmë direkte buxhetore”.

?Udhëheqësit diskutuan se si Shtetet e Bashkuara po punojnë gjatë gjithë kohës për të përmbushur kërkesat kryesore të ndihmës për sigurinë nga Ukraina, efektet kritike që ato armë kanë pasur në konflikt dhe përpjekjet e vazhdueshme të Shteteve të Bashkuara me aleatët dhe partnerët për të identifikuar aftësi shtesë për ndihmuar ushtrinë ukrainase të mbrojë vendin e saj. Biden rishikoi gjithashtu sanksionet shtesë dhe ndihmën humanitare të shpallura javën e kaluar?, sqaroi Shtëpia e Bardhë.

Ndërsa presidenti Zelensky shkroi në Tëitter pas telefonatës që zgjati një orë, se me Biden ndanë vlerësimin e situatës në fushën e betejës dhe në tryezën e bisedimeve.

?Me Biden ndamë vlerësimin e situatës në fushën e betejës dhe në tryezën e bisedimeve. Biseduam për mbështetje specifike mbrojtëse, një paketë të re sanksionesh të zgjeruara, ndihmë makro-financiare dhe humanitare”, shkroi Zelensky./ CNA.al





Lajmet e fundit nga