web counter
LEXO PA REKLAMA!

SHKARKO APP

App Store
Google Play

Europa shënjestron diplomatët rusë/ Në një javë 47 dëbime

29 Mars 2022, 17:17, Kosova & Bota CNA

Pas nisjes së luftës në Ukrainë, shumë vende europiane kanë marrë masa kundër Moskës, mes të cilave është edhe përjashtimi i diplomatëve rusë. Këtë javë, numri i vendeve që kanë zgjedhur të përjashtojnë diplomatët e Kremlinit është shtuar. Sot listës i është shtuar Belgjika dhe Hollanda, raportoi BBC.

Lista e përjashtimeve nga vendet europiane në një javë:

-Belgjika ka dëbuar 21 diplomatë rusë për spiunim dhe kërcënim për sigurinë, sipas Ministrisë së Punëve të Jashtme të vendit.

-Ministria e Jashtme holandeze ka thënë se ka dëbuar 17 agjentë të inteligjencës ruse, të cilët ishin akredituar si diplomatë.

-Ministri i Punëve të Jashtme të Irlandës, Simon Coveney, tha se katër zyrtarëve të lartë rusë u është kërkuar të largohen nga vendi sepse aktivitetet e tyre nuk përmbushnin standardet ndërkombëtare të sjelljes diplomatike.

-Maqedonia e Veriut urdhëroi dëbimin e pesë diplomatëve rusë nga vendi të hënën.

Dëbimet e kësaj jave pasojnë një varg lëvizjesh të ngjashme të bëra nga Shtetet e Bashkuara dhe disa vende anëtare të Bashkimit Evropian që nga fillimi i luftës./ CNA.al





Lajmet e fundit nga