web counter
LEXO PA REKLAMA!

SHKARKO APP

App Store
Google Play

E fundit!

x

Rusët si nazistët/ Sulmojnë ndërtesën e Kryqit të Kuq në Mariupol

30 Mars 2022, 13:46, Kosova & Bota CNA

Forcat ruse goditën një objekt të Kryqit të Kuq në qytetin port të Mariupol në jug të Ukrainës. Lajmi është bërë i ditur nga avokatrja e Popullit ukrainase Lyudmyla Denisova.

?Në Mariupol, pushtuesit synuan ndërtesën e Komitetit Ndërkombëtar të Kryqit të Kuq. Avionët armik dhe artileria qëlluan mbi një ndërtesë të shënuar me një kryq të kuq në një sfond të bardhë, që tregon praninë e personave të plagosur. Ky është një tjetër krim lufte i ushtrisë ruse në përputhje me statutin e Romës të Gjykatës Penale Ndërkombëtare dhe një shkelje e rëndë e Konventës së Gjenevës të vitit 1949. Deri më tani, të vetmit që granatuan ndërtesat dhe automjetet e shënuara me kryq të kuq ishin trupat e Gjermanisë hitleriane. I bëj thirrje komunitetit botëror që të dënojë veprimet barbare të vendit pushtues në bombardimin e ndërtesës së KNKK-së dhe të marrë masa për t’i dhënë fund luftës së përgjakshme në territorin e Ukrainës sa më shpejt të jetë e mundur?, ka shkruar ajo në rjetet sociale.

Denisova nuk specifikoi se kur kishin ndodhur sulmet dhe tha se nuk kishte ende konfirmim për viktima./ CNA.al





Lajmet e fundit nga