web counter
LEXO PA REKLAMA!

SHKARKO APP

App Store
Google Play

E fundit!

x

Franca paralajmëron mungesë të grurit/ “Ukraina nuk do të jetë në gjendje të eksportojë”

31 Mars 2022, 17:03, Kosova & Bota CNA

Qeveria franceze ka lajmëruar ditën e sotme se ekziston mundësia që Ukraina nuk do të jetë në gjendje të korrë të mbjellat ose eksportojë grurë këtë vit. Duke qenë se Ukraina ështënjë nga eksportuesit më të mëdhenj të grurit në botë, kjo përkthehet në mungesë gruri në tregjet botërore.

?Luftimet e vazhdueshme dhe humbja e fuqisë punëtore bujqësore e bëjnë korrjen dhe mundësinë e mbjelljes së kulturës tjetër jashtëzakonisht të vështirë. Ukraina është thelbësore për balancën e tregut botëror të ushqimit “, tha burimi i qeverisë franceze për CNN.

Qeveria ukrainase ndaloi eksportet e produkteve kryesore bujqësore, duke përfshirë grurin, misrin, drithërat, kripën dhe mishin, sipas një rezolute të kabinetit që u miratua në fillim të këtij muaji.

Organizata e Kombeve të Bashkuara për Ushqimin dhe Bujqësinë paralajmëroi më 11 mars se pushtimi rus i Ukrainës mund të sjellë ndërprerje të korrjes së drithërave dhe eksportit në Ukrainë, përveç rritjes së çmimeve që vijnë nga luftimet atje dhe efekti i sanksioneve ekonomike mbi eksportet ruse./ CNA.al





Lajmet e fundit nga