web counter
LEXO PA REKLAMA!

SHKARKO APP

App Store
Google Play

E fundit!

x

“Që nga nesër gazi blihet me rubla”/ Putin nënshkruan dekretin presidencial, ja detajet

31 Mars 2022, 13:53, Kosova & Bota CNA

Monedha me të cilën do të paguhet gazi rus i blerë nga vendet europiane, është një nga temat që po shton përplasjet mes Moskës dhe Perëndimit.

Fillimisht presidenti rus Vladimir Putin deklaroi se vendet jo mike, që nënkupton ato shtete të cilat kanë marrë sanksione ndaj rusisë, do ta blinin gazin me monedhën rubla.

Perëndimi pretendon se një akt i tillë nuk është juridikisht i drejtë, pasi për furnizimin me gaz dhe detajet e blerjes ka kontrata paraprake.

Ndërkohë, sot Putin nënshkroi një dekret presidencial që parashikon se blerësit e huaj duhet të paguajnë në rubla për gazin rus nga e premtja. Në rast të kundërt ne dekret parashikohet ndërprerje e konstratës.

Presidenti rus ka shpjeguar se që nga nesër duhen hapur llogari të veçanta bankare ruse për të transferuar fonde të huaja dhe më pas banka do t’i përdorë ato për të blerë rubla.

?Nëse nuk bëhen pagesa të tilla, ne do ta konsiderojmë këtë një mospagim nga ana e blerësve, me të gjitha pasojat që pasojnë. Askush nuk na shet asgjë falas, dhe ne nuk do të bëjmë as bamirësi – domethënë, kontratat ekzistuese do të ndërpriten?, shpjegoi Putin./ CNA.al





Lajmet e fundit nga