web counter
LEXO PA REKLAMA!

SHKARKO APP

App Store
Google Play

E fundit!

x

Protesta e djeshme/ Procedohen penalisht gjashtë persona në Tiranë

12 Mars 2022, 08:56, Aktualitet CNA

Si pasojë e protestës së djeshme kundër rritjes së çmimit të naftës dhe produkteve ushqimore, janë proceduar penalisht 6 qytetarë. Sipas Policisë së Tiranës, shkak për procedimin e tyre është bërë prishja e rendit dhe qetësisë publike. Një hap i tillë ëstë paralajmëruar edhe dje gjatë protestës, ku policia në vazhdimësi ka paralajmëruar se bllokimi i rrugëve përbën një vepër penale, dhe se do të ndërhyhej në zbatim të ligjit.

?Strukturat hetimore të Drejtorisë Vendore të Policisë Tiranë dhe të Komisariateve në varësi të saj, nën drejtimin e Prokurorisë së Rrethit Gjyqësor Tiranë, në përfundim të veprimeve të para hetimore të kryera në lidhje me protestën e zhvilluar në datën 11 mars 2022, bazuar në provat e grumbulluara, proceduan për veprat penale “Organizimi dhe pjesëmarrja në grumbullime e manifestime të paligjshme”, “Prishja e qetësisë publike”, “Pengimi i qarkullimit të mjeteve të transportit”, kryer në bashkëpunim, shtetasit: – E. D., 33 vjeç, R. R., 25 vjeç, B. M., 19 vjeç, L. Xh., 29 vjeç, A. S., 30 vjeç dhe B. M., 20 vjeç. Drejtoria Vendore e Policisë Tiranë apelon për të gjithë qytetarët që të mos përfshihen në akte dhune dhe të mos bllokojnë lëvizjen e lirë të mjeteve dhe qytetarëve sepse do të përballen me forcën e ligjit?, thuhet në njoftimin e shpërndarë për mediat.

Sipas Pocilicë së Tiranës, materialet përkatëse i kaluan Prokurorisë së Rrethit Gjyqësor Tiranë, për veprime të mëtejshme procedurale./CNA.al

 

 

 

 





Lajmet e fundit nga