web counter
LEXO PA REKLAMA!

SHKARKO APP

App Store
Google Play

Manjani me tone të ashpra ndaj Ramës/ Boll nxorre akte për të gjobitur dhe rrjepur popullin

10 Mars 2022, 12:40, Politikë CNA

Ish ministri Ylli Manjani  ka shpërthyer ndaj kryeministrit Edi Rama, pas rritjes drastike të çmimit të naftës.

Përmes një statusi në rrjetet sociale, Manjani i drejtohet Ramës duke i kërkuar që të heqë taksat pa tvsh dhe të nxjerrë një akt normativ që të ndihmojë popullin, njëherë të vetme.

Manjani thotë se qeveria duhet të marrë vendime dhe jo të bëjë propagandë që të justifikojë rrjepjen nga spekulimi.

“Hiq taksat parazitare mbi çmimin e naftës;

Hidh rezervën në treg;

Zero TVSH përkohësisht.

Po të mos mjaftojnë këto ul dhe shpenzimet për investime që skanë asnjë kuptim kur nafta i bën të papërdorshme.

Hajde iher nga Dubai dhe, nxirre një akt normativ me fuqinë e ligjit që të hyjnë në fuqi tani këto masa.

Nxirre njëherë të vetme një Akt Normativ për të ndihmuar popullin tënd!

Boll nxore akte për ta gjobitur e rrjepur atë, herë për arsye tërmeti e herë për arsye pandemie.

Ja kaq bëj, o zotni! Lëri takimet virtuale ku dëgjon veç veten. Mos harxho më kohë me përralla konsultimi se problemi kërkon VENDIM.

Shqiptarët do dalin në rrugë se skanë rrugë tjetër. Meqë ra fjala rruga është prona e tyre jo e jotja, as e policisë tënde?

Bëj aq sa miku yt Vuçiç bën për Serbët.

Qeveria për këtë ditë duhet, o zotni!

Duhet për të marrë vendime dhe jo propagandë për që justifikon rrjepjen nga spekulimi”, shkruan Ylli Manjani./ A.E-CNA.al





Lajmet e fundit nga