web counter
LEXO PA REKLAMA!

SHKARKO APP

App Store
Google Play

Ultimatumi për dorëheqjen/ Bashës i dështon mbledhja e Grupit Parlamentar, çfarë pritet të ndodhë

10 Mars 2022, 10:40, Politikë CNA

Humbja e turpshme e zgjedhjeve të 6 Marsit, ka bërë që një grup deputetësh të Partisë Demokratike, të kërkojnë dorëheqjen e menjëhershme të Lulzim Bashës.

Kështu, CNA.al një ditë më parë raportoi se 18 deputetë të PD, kanë përgatitur një kërkesë ndaj Lulzim Bashës, ku këtij të fundit i jepet ultimatum që deri sot në orën 10:00, të japë dorëheqjen.

Në të kundërt do të ketë një dalje të tyre publike, ku do të bëhet e ditur edhe kërkesa e tyre.

Ndërkohë, CNA.al ka mësuar se kjo ka bërë që Lulzim Basha të mos mund të mbledhë sot Grupin Parlamentar, siç ka vepruar më parë para seancave parlamentare.

Kjo ka qënë një rutinë, që para seancave mblidhej grupi parlamentar, por sot Lulzim Basha nuk ka mundur ta zhvillojë këtë mbledhje.

Kjo për faktin se ai ka ngelur me një minorancë me shumë pak deputetë.

Nga ana tjetër CNA.al mëson se grupi i deputetëve që pritet të japin deklaratën nuk përfshin deputetët që janë pjesë e grupit të Rithemelimit të PD, por janë nënkryetarët Gjekmarkaj, Duma dhe pjesa e tjetër që janë dorëhequr ditët e fundit nga funksionet drejtuese. Atyre u janë bashkëngjitur dhe një grup tjetër deputetësh.

CNA.al mësoi dje, se sot në mëngjes do të mbahej një deklaratë e plotë përpara mbledhjes së grupit parlamentar.

Basha e anulloi mbledhjen e grupit parlamentar. Nuk e thirri për ta shmangur publikimin e kësaj deklarate dhe ultimatumin që deri në orën 10:00, Basha duhej të kishte dhënë dorëheqjen.

Ndërkohë CNA.al ka mësuar se gjatë ditës së sotme pritet që ashtu sikurse u paralajmërua dje grupi i të dorëhequrve, të cilët deri në datën 6 mars kanë mbështetur Lulzim Bashën, të dalë me një qëndrim publik gjatë ditës së sotme për të bërë publik qëndrimin e tyre në grup, për dorëheqjen e Lulzim Bashës./CNA.al

18 deputetë ultimatum Bashës/ Jep dorëheqjen deri nesër në orën 10:00

Mashtrimi me dorëheqjet/ Nga Grida Duma, tek Agron Gjekmarkaj dhe Flutura Açka





Lajmet e fundit nga